Sichen

Dir kéint och nach folgende gefalen

CFL-Baustellen op der Linn 10 a Linn 60
International Money Neiegkeeten

CFL-Baustellen op der Linn 10 a Linn 60

D’Haaptzil vun der CFL besteet doran, dem Client héichwäerteg Déngschtleeschtungen

D‘Damme vum VFL Bochum op Besuch beim SC Beetebuerg
International Money Neiegkeeten

D‘Damme vum VFL Bochum op Besuch beim SC Beetebuerg

Huele mir d‘Resultat direkt an de Grapp: SCB 0 –

Sinn déi klassesch Parteien duerch kleng, nei Beweegungen bedroht?
International Money Neiegkeeten

Sinn déi klassesch Parteien duerch kleng, nei Beweegungen bedroht?

Wien sech, dem Spiegel Journalist Henrik Müller no, an Europa ëmkuckt,

money

Trump op Staatsbesuch a Japan

US-President fuerdert méi Investitioune vun Tokio

Trump op Staatsbesuch a Japan

Et ass dem Donald Trump säin éischte Besuch am Land vun der opgoender Sonn an eigentlech sinn d‘Bezéiungen tëscht Tokio a Washington ganz gutt. Den US-President awer, deen huet op e neits misse mam Läffel an d‘Zopp schloen…

Beim Meeting mat de 40 wichtegste Wirtschaftsacteure vu Japan, huet den Donald Trump op méi Investitioune vu japaneschen Entreprisen an den USA gedrängt. Hie stéiert sech um groussen Handelsiwwerschoss an hält Zäit fir gënschteg seng Fuerderungen och duerchgesat ze kréien. Déi Zäite wou Japan e substantielle Virdeel genoss hätt wieren eriwwer.

Trump

An dem US-President huet sech virgeholl a bilaterale Verhandlungen nees e Gläichgewiicht tëscht béiden Natiounen hierzestellen. Woubäi „Verhandlung“ net wierklech den Toun trëfft, well den Donald Trump mécht verständlech, datt sollten seng Propose net op Zousproch falen, déi japanesch Autoe mat Douanestaxe beluecht ginn. Bei Honda, Nissan an Toyota ass de Message ukomm.

Fir den US-Milliardär ass awer en Handelsofkommes mat Japan déi eenzeg Méiglechkeet zu méi faire Wirtschaftsbezéiungen ze kommen. Et dierft e Méindeg och den zentrale Punkt bei de „véier-Aen“ Gespréicher mam Ministerpresident Shinzo Abe sinn. Fir d‘Entrevue vum Méindeg net schonn am Virfeld ze torpedéieren, hat den Donald Trump dann awer nach verséinlech Wierder.

Trump

An den USA géife ronn 1 Millioun Aarbechtsplaze vu japaneschen Investitiounen ofhänken, an d‘USA wieren de gréissten auslänneschen Investisseur a Japan. Den Donald Trump wënscht sech besser Bezéiungen tëscht béiden Natiounen, och wann dësen éischte Staatsbesuch éischter symbolesch ass. De grousse politesche Worf ass bei dësem Staatsbesuch net ze erwaarden.

Dat léisst sech och um „Programm“ festmaachen. Esou sollen de Shinzo Abe an den Donald Trump haut eng „Ronn Golf“ spillen a sech mat Sumo-Renger d‘Zäit verdreiwen. An dem Locataire aus dem Wäissen Haus kënnt nach eng besonnesch Éier zou. Hien ass den éischte Staatschef, dee vum „neie“ japanesche Keeser Nahurito empfaange gëtt. Hoffentlech behëlt hie sech…

mat indymedia/fuk/lax

Foto: De Rendez-vous mat der Geschäftswelt an der amerikanescher Ambassade. Den US-President fuerdert méi japanesch Investitiounen an den USA an eng méi equilibréiert Handelsbezéiung. © USAmbJapan

Ähnlech Sujeten Donald Trump, Douanestaxen, Handelsbezéiungen, Japan, Keeser, Nahurito, Shinzo Abe
Nächsten Artikel Virrechten Artikel