Sichen

Dir kéint och nach folgende gefalen

cool
D’Innovatiounskraaft vu Lëtzebuerg soll eis de Sëtz vun EuroHPC abréngen
Crazy International Neiegkeeten

D’Innovatiounskraaft vu Lëtzebuerg soll eis de Sëtz vun EuroHPC abréngen

Wéi et de Wirtschaftsministère déi lescht Woch bekannt ginn huet,

love
Wéi gutt kenns du de Kanton Dikrech?
Crazy International Neiegkeeten

Wéi gutt kenns du de Kanton Dikrech?

De Kanton Dikrech huet ganzer 12 Gemengen an ass och

dislike
Death Note ass e Remake, dee kee braucht
Crazy International Neiegkeeten

Death Note ass e Remake, dee kee braucht

Wat gouf net schonn alles iwwert des Netflix Ëmsetzung vun

tongue

Twitter huet den Trolls de Krich ugekënnegt

Twitter huet den Trolls de Krich ugekënnegt

Et ass net den éischte Versuch vun Twitter sech géint d‘Trolls opzestellen, dësen Nerveseeën an de sozialen Netzwierker, déi zu allem e Kommentar hunn, heiansdo mat Humor, meeschtens awer mat Beleidegungen. Dës Kéier wëll een et bei Twitter awer wëssen.

Twitter deelt dann och mat, datt een elo esouwäit ass, datt een de „Behuel“ vun dësen Trollen analyséiere kann, an hinnen esou de Maulkuerf verpasse kann. An de Mond sollen se net nëmme beim Inhalt vun hire Message verbuede kréien.

Ähnlech wéi Facebook, wëll Twitter sech vu negativen Aussoen a bedenklechem Inhalt lassléisen. Egal op d‘Message vun echte Mënschen oder automatiséierte Systemer (Bots) gepost ginn. Wann een nach iwwert déi humoristesch Message laache kann, esou stéieren déi aner immens.

D‘Erausfuerderung ass dee „Beholl“ erauszefilteren, dee wuel net géint d‘Reegele fir d‘Notzung verstéisst, mee esou nerveg ass, datt d‘Qualitéit vun den Diskussiounen dorënner leit. Wien also net géint d‘Konditiounen u sech verstéisst, sech awer de Batti stellt, dem muss gehollef ginn.

Et gëtt vill ze dinn, pake mir et un!

Wat also zukünfteg vun Twitter als „Troll“ identifizéiert gëtt, och wa wéi gesot net géint d‘Reegele verstouss gëtt, kritt manner Visibilitéit, dat esouwuel an der „Timeline“ wéi och an de Resultater bei enger Sich. Et wäert awer wuel nach en Ament brauchen…

Twitter gesteet sech dann och an, datt nach Aarbecht virun hinne läit. Mee déi nei Approche ass ausprobéiert ginn, an no éischten Tester, konnt e Réckgang (8%) vun de Meldunge wéinst Mëssbrauch an der Timeline festgestallt ginn. Bei der „Sich“ ass et e Minus vu 4%.

Bei den Indizien, déi fir en Troll schwätzen, falen d‘Konten op: déi keng bestätegt e-Mail Adress hunn; Persounen déi méi Konte gläichzäiteg benotzen; Leit déi iwwerméisseg an zu Allem eppes posten; Konte benennen déi hinnen net „followen“; oder soss besonnesch opfälleg sinn.

Et sinn dat och Aarbechtsweise wéi se vu „Bots“ bekannt sinn. Roboter déi sech an de sozialen Netzwierker bemierkbar maachen, well si iwwert d‘Mooss Message posten. Dat geet bis zur politescher Manipulatioun, woubäi et falsch wier nëmme mam Fanger op Russland ze weisen.

mat AFP

Ähnlech Sujeten Bots, Sozial Netzwierker, Trolls, Twitter
Nächsten Artikel Virrechten Artikel

Deng Reaktioun op dësen Artikel?

  • LOL

    0

  • Cool

    6

  • Fail

    0

  • Cry

    0

  • Angry

    0

  • WTF

    1

  • Crazy

    2

  • Love

    0