Sichen

Dir kéint och nach folgende gefalen

Sozialwahlen 2019: Den Aarbechtsministère informéiert!
Meenung

Sozialwahlen 2019: Den Aarbechtsministère informéiert!

Den 12. Mäerz 2019 ginn zu Lëtzebuerg Sozialwahlen ofgehalen. Den

Et gëtt „onbequem“ op der A3 tëscht Beetebuerg an der Stad
Meenung

Et gëtt „onbequem“ op der A3 tëscht Beetebuerg an der Stad

Am Kontext vum Bau vun der neier Eisebunnslinn tëscht Beetebuerg

What the Fakt – Haut ass den Dag vun de Chrëschtbullen
Meenung

What the Fakt – Haut ass den Dag vun de Chrëschtbullen

Et ass net méi laang bis Helleg Owend. Do ass

Eng Ofso un de globalisteschen UNO-Migratiounspakt!

Eng Ofso un de globalisteschen UNO-Migratiounspakt!

Ënnert der Leedung vun der Generalversammlung vun de Vereenten Natiounen, an als Appell un déi 193 Memberlänner, soll, fir den 10/11. Dezember 2018 zu Marrakesch a Marokko, den Entworf vun enger internationaler Vereenbarung ënnerschriwwe ginn, déi 23 migratiounspolitesch Ziler a Verflichtungen definéiert, fir d’international Migratioun zukünfteg „méi professionell” ze reegelen.

No konkreter Analys vum Vertragstext, an den eenzele Vertragspunkten, fuerdert d’Partei déi Konservativ allerdéngs eng kloer Ofso un de globalisteschen UNO-Migratiounspakt am Numm vu Lëtzebuerg.

Mat dësem Pakt, sou ass eis Partei iwwerzeegt, gëtt friembestëmmt an d’Souveränitéit an, an d’Kompetenze vun eisem Land agegraff, a Politik iwwert d’Rechtslag vu Lëtzebuerg eraus gemaach – direkt a Saachen Immigratioun, mä och indirekt punkto Sozialstaat, Justizwiesen a nationaler Identitéit.

Iwwerdeems feelt am geplangte Konzept, och de reellen Ënnerscheed tëscht legaler an illegaler Migratioun. Mir stellen eis och d’Fro: Wat bréngt eis, ausser Vertragsbréch, iwwerhaapt e Vertrag ouni Rechtsverbëndlechkeet?

Nodeems mëttlerweil eng ganz Rei Länner, hir Antipathie an Ofleenung kond gedoen hunn, sollt och Lëtzebuerg d’Nee-Positioun anhuelen, a mat intelligenter Diplomatie, géint den UNO-Migratiounspakt wielen. Lëtzebuerg soll selwer, iwwert déi eegen Nationalpolitik, d’Migratiounspolitik decidéieren, an eist d’Land nees a Prioritéit setzen.

Eis Partei trëtt fir méi Eegekontroll an Eegeverwaltung an, ee System vu méi Fräiheet a Souveränitéit als Natioun, a fir eng méi restriktiv Migratiounspolitik – och am Hibléck op d’Europawahlen an d’Europa vun der Zukunft.

Mir entschëllegen eis, an engems, bei all de Partnernatiounen an de Verhandlungen, fir eise lëtzebuergeschen Ausseminister Jean-Asselborn, a seng onelegant Plädoyer’en, et sinn dat diplomatesch Imageschied op ganzer Linn!

Matgedeelt vun „déi Konservativ“

Ähnlech Sujeten déi Konservativ, Immigratioun, Migratioun, UNO-Migratiounspakt
Nächsten Artikel Virrechten Artikel