Sichen

Dir kéint och nach folgende gefalen

Chamber: D‘Kanner sollen nees zesummen an d‘Schoul dierfen
International Neiegkeeten

Chamber: D‘Kanner sollen nees zesummen an d‘Schoul dierfen

Am Cercle op der Plëss, goufen direkt eng ganz Rëtsch

Editorial: Déi Saach mam Vältesdag als totale Schmu
International Neiegkeeten

Editorial: Déi Saach mam Vältesdag als totale Schmu

Säit geraumer Zäit huele verschidden Aktiounsdeeg ëmmer méi u Bedeitung

Automobilsport an humanitär Hëllef: kee Widdersproch a sech!
International Neiegkeeten

Automobilsport an humanitär Hëllef: kee Widdersproch a sech!

Dëse Weekend hat d‘ONG „Hand an Hand fir Afrika“ zu

US-President erpresst Mexiko

Den Donald Trump dreet de mexikanescher Regierung mat Grenzschléissung

US-President erpresst Mexiko

De Donald Trump gëtt einfach keng Rou, a schéngt drop aus ze sinn, et mam mexikaneschen Noper bis op dat äusserst ukommen ze loossen. Den neisten Entschloss: wann elo d‘Mexikaner déi illegal Migratioun a Richtung USA net „stoppen“ kënnt et ab dem Méindeg zur Grenzschléissung.

Mexiko

„Falls Mexiko net direkt all illegal Migratioun an d‘USA iwwert eis südlech Grenz stoppt, wäert ech d‘Grenz oder grouss Deeler vun der Grenz, déi nächst Woch zoumaachen“, esou de Milliardär via Twitter. De Virworf huet sech net verännert. Mexiko géif sech op Käschte vun den USA beräicheren an näischt géint déi illegal Migratioun ënnerhuelen, dobäi wier et denkbar einfach.

Mexiko

Sengem leschten Tweet waren déi ganz Woch iwwer „Undeitungen“ virausgaangen, an de President vu Mexiko, Andres Lopez Obrador, hat duerchaus Versteesdemech fir d‘Kritik aus Washington gewisen. En Donneschdeg sot hien: „Et ass legitim, datt si net averstane sinn an dës Reklamatioun virdroen. Mir wäerten hëllefe wou mir kënnen, mir wëlle kee Sträit mat den USA“.

Mexiko

Mee och „Versteesdemech“ huet seng Grenzen, an déi lescht Äusserunge vum 45. US-President hu fir Onmutt gesuergt. Esou ass dem mexikaneschen Ausseminister, Marcelo Ebrard, de Kolli geplatzt an hien huet dem Donald Trump seng Rhetorik iwwerholl. A sengem Tweet huet hien den USA verständlech gemaach, datt een sech net erpresse léisst. Iwwerhaapt wier een e fantastesche Noper.

Mexiko

Op et zu enger Grenzschléissung komme wäert, dat léisst sech bei enger diplomatescher Flaachzang wéi den Donald Trump eng ass, mat Sécherheet ni bestëmmen. D‘Lag un der Grenz zu Mexiko ass awer en trumpschen Dauerthema, an dat net eleng wéinst der „Mauer“ déi keen dem US-President finanzéiere wëll. Fest steet allerdéngs, datt hien als nees mat de Fixspéin spillt. Beonrouegend ?

mat indymedia/hou/was

Ähnlech Sujeten Donald Trump, Grenzmauer, Grenzschléissung, Illegal Migratioun, Mexiko
Nächsten Artikel Virrechten Artikel