Sichen

Dir kéint och nach folgende gefalen

Winterlights 2018 – Gläich geet et erëm lass mat de Chrëschtmäert
Money Neiegkeeten

Winterlights 2018 – Gläich geet et erëm lass mat de Chrëschtmäert

Vum 23. November bis de 24. Dezember wäert een op

Den ACL informéiert
Money Neiegkeeten

Den ACL informéiert

Wéi den Automobil Club Lëtzebuerg (ACL) et matgedeelt huet, kann

Däitschland: Ze vill Fräiheet zerstéiert d‘Fräiheet
Money Neiegkeeten

Däitschland: Ze vill Fräiheet zerstéiert d‘Fräiheet

Dat mat deem et muss ee méi „zouloossen“ hätt een

money

USA wëllen Indien an Tierkei d‘Handelsvirdeeler entzéien

USA wëllen Indien an Tierkei d‘Handelsvirdeeler entzéien

Déi vun den USA fir d‘Tierkei an Indien agefouert Vergënschtegungen an der Handelspolitik solle gestrach ginn. De Grond: d‘Tierkei wier Wirtschaftlech entwéckelt, an Indien géif kee gerechten Zougang zum Maart bidden.

Fir den Ament ass et éischter eng Dreeung vu Washington a Richtung vu béiden Natiounen, hinnen déi milliardeschwéier Zollentlaaschtungen ze entzéien, déi hinnen am Kader vun engem US-Fërderprogramm fir Schwellen- an Entwécklungslänner zougestane gi war. D‘Grënn sinn awer verschidden. Esou hätt sech d‘Tierkei wirtschaftlech ausräichend entwéckelt an dofir kéint Ankara och keng Uspréch méi stellen.

US-Handelsdefizit

Wat Indien betrëfft, esou hätt een trotz intensive Gespréicher mat Nei Delhi, keng Léisung fonnt déi den US-Entreprisen e gerechten a fairen Zougang zum indesche Maart sécherstellen. Indien ginn esou Vergënschtegungen an héicht vun 5,6 Milliarden US-Dollar fleeten. Den Donald Trump hat wéinst dem Handelsdefizit widderholl wéinst den héijen Douanestaxe kritiséiert.

Derbäi kommen och nach déi rezent agefouert Reegele fir online Händler a Kreditkaartenubidder, fir déi een zu Washington wéineg Versteesdemech huet. Sollten d‘Avantagen ewechfalen, wier dat déi bis ewell schäerfste Sanktioun déi géint Indien géif ergraff ginn. Indien ass de gréissten Notznéisser vum US-Programm, deen an de 70er Joer opgestallt ginn ass.

60 Deeg

Wat d‘Tierkei betrëfft, esou hat Ankara als Reaktioun op déi amerikanesch Douanestaxen op Stol an Aluminium, US-Gidder och mat Douanestaxe beluecht. De Sträit hat am August 2018 zu enger Iwwerpréiwung vun den Uspréch op Fërderung gefouert. Den Import aus der Tierkei hat bis dës lescht e Volume vun 1,7 Milliarden US-Dollar (am Kader vum Fërderprogramm).

Béid Länner hunn elo eng Frist vu 60 Deeg erhalen, iert d‘Vergënschtegungen entzu kënne ginn. Den US-President seet säi Land géif ëmmer nees beim Handel benodeelegt. An hien huet domatter keen ausgelooss. Mat China ass et op en handfesten Handelskrich duergaangen, déi direkt Noperen, Kanada a Mexiko, sollten sech fügen, a mat Europa leeft et och net méi ronn.

mat indymedia/bom/ist/was

Ähnlech Sujeten Handelsdefizit, Handelspolitik, Indien, Tierkei, USA
Nächsten Artikel Virrechten Artikel