Sichen

Dir kéint och nach folgende gefalen

dislike
Dës Petitioun wëll de gratis ëffentlechen Transport aféieren a liwwert Iddien, wéi dëst bezuelt ka ginn
International Neiegkeeten

Dës Petitioun wëll de gratis ëffentlechen Transport aféieren a liwwert Iddien, wéi dëst bezuelt ka ginn

Nach bis den 23. Abrëll kann een eng Petitioun ënnerschreiwen,

1961 hunn d‘Steemetzer zu Berlin hir Aarbecht opgeholl
International Neiegkeeten

1961 hunn d‘Steemetzer zu Berlin hir Aarbecht opgeholl

Berlin an Däitschland gedenkt haut den Affer vum Mauerbau am

What the Fakt – De Slipknot-Frontmann Corey Taylor huet Gebuertsdag!
International Neiegkeeten

What the Fakt – De Slipknot-Frontmann Corey Taylor huet Gebuertsdag!

Metalheads opgepasst: Haut kënnt Dir op de Gebuertsdag vum Corey

Elo ass et offiziell: d‘USA sinn aus der WHO ausgetrueden

Elo ass et offiziell: d‘USA sinn aus der WHO ausgetrueden

Den Donald Trump hat et laang genuch ugekënnegt, elo ass dann offiziell, d‘Amerikaner léisen hir Bezéiung mat der Weltgesondheetsorganisatioun (WHO) op. De Grond: D‘WHO hätt d‘Pandemie vum SARS-Cov2 duerch ënnerloosse quasi erbäigefouert. Et ass allerdéngs och eng Entscheedung, déi kritesch begleet gëtt.

Laut dem Stéphane Dijarric, Spriecher vum UN-Generalsekretär Antonio Guterres, wieren déi concernéiert Instanzen entspriechend informéiert ginn. Den Austrëtt ass op de 6. Juli 2021 fixéiert ginn, an de Generalsekretär misst elo mat der WHO préiwen, ob d‘Konditioune fir esou en Austrëtt virleien. Dat Wäisst Haus hat den US-Kongress am Virfeld iwwer dëse Schratt informéiert.

De Locataire aus dem Wäissen Haus beschëllegt d‘Weltgesondheetsorganisatioun vill ze spéit iwwer d‘Gefore vum Coronavirus informéiert ze hunn an vu China kontrolléiert ze ginn, wou dës Roll dach eigentlech den USA – déi méi héich Beiträg wéi Peking bezuelen – zousteet. Den Donald Trump huet dann och d‘WHO eng Matschold um Dout vun honnertdausenden US-Bierger ginn.

WHOAn dësem Sënn, gëtt och China beschëllegt, net déi richteg Mesuren ergraff ze hunn, d‘Verbreedung vum Covid19 ze verhënneren. Fir Peking misst dat Folgen hunn esou den US-President, deen der WHO niewebäi nach virwërft sech den dréngend noutwennege Reformen ze verschléissen. Zanter Abrëll fléisst dann och kee Geld méi, wat international op eppes Onverständnis gestouss ass.

Mee och den Donald Trump steet wéinst der sanitärer Kris am eegene Land eppes ënner Drock. An et war net d‘WHO déi Geforen erofgespillt huet, datt war de Milliardär héchst perséinlech. Datt och seng „Virschléi“ wéi een dem Virus kéint begéinen, a méi generell d‘Gestioun vun der Kris, déi net wierklech virbildlech ass, fir déi iwwer 130.000 Affer kéinten eng Roll spillen, gëtt iwwerspillt.

D‘USA waren eent vun den éischte Bäitrëttslänner vun der WHO (7. Abrëll 1948). An engem Bréif un den US-Kongress (30. Juni – O‘Neill Institute) hunn eng 750 Experten aus de Beräicher global Gesondheet an internationalem Recht den US-President drop higewisen, datt den Austrëtt aus der Weltgesondheetsorganisatioun Mënscheliewe kascht, Amerikaner wéi Auslänner wiere betraff.

mat indymedia/was/gva

Illustratioun: © Luis Melendez / unsplash

Ähnlech Sujeten Austrëtt, Donald Trump, USA, Weltgesondheetsorganisatioun, WHO
Nächsten Artikel Virrechten Artikel