Transition Days: Konferenz mat der Dr. Vandana Shiva

Am Januar behandelen d’Lëtzebuerger Transition Days d’Thema Schlofzëmmer. Domat verbonne sinn Educatioun, Kandheet, Erhuelung, mee och déi bannenzeg Transitioun. Nieft dem sougenannte Resilience Bootcamp wäert déi indesch Aktivistin Vandana Shiva eng Konferenz dozou halen, wéi een sech ambitionéiert fir de Planéit an d’Zukunft asetze kann, ouni dobäi sech selwer ze vergiessen.

D’Vandana Shiva ass eng indesch Wëssenschaftlerin, am Aktivismus staark vertrueden an trëtt esou fir den Ëmweltschutz, déi biologesch Diversitéit, Fraerechter an Nohaltegkeet an, woufir si och schonn ausgezeechent ginn ass.

Als Ikon vun der Anti-Globaliséierungbeweegung stellt dës Fra ënner Beweis, datt een ouni Gewalt fir seng Ziler antriede a kämpfe kann. Am Kader vun enger digitaler Konferenz um Samschdeg Mëtteg wäert d’Vandana Shiva méi genee d’Relatioun tëscht Aktivismus an dem eegene Wuelbefannen erklären.

D’Konferenz, déi an englescher Sprooch organiséiert gëtt (Iwwersetzung méiglech), fënnt e Samschdeg, den 16. Januar 2021 um 14:30 Auer statt. D’Umeldung am viraus ass obligatoresch.