Sichen

Dir kéint och nach folgende gefalen

Op der Sich no engem neie Kannersëtz? Da sidd der beim Kannersëtzbasar vum ACL richteg!
Neiegkeeten

Op der Sich no engem neie Kannersëtz? Da sidd der beim Kannersëtzbasar vum ACL richteg!

Dir braucht e Kannersëtz, am beschten een „bal wéi nei“

Mat dësen 9 Verännerungen soll de Cyclisten a Foussgänger gehollef ginn
Neiegkeeten

Mat dësen 9 Verännerungen soll de Cyclisten a Foussgänger gehollef ginn

Haut huet de Minister fir Nohaltegkeet an Infrastrukturen, François Bausch

Lëtzebuerg: Wat muss sinn, muss sinn
Neiegkeeten

Lëtzebuerg: Wat muss sinn, muss sinn

Eng Gemengerotssëtzung een Dag no de Walen, dat klengt erstaunlech

Schaarschtechbotzer wëllkomm – op d’Joer 2019!

Schaarschtechbotzer wëllkomm – op d’Joer 2019!

Leschte Freideg huet de Schäfferot vun der Stad Lëtzebuerg d’Schaarschtechbotzer an d’Uewesetzer vun der Federatioun vun den Installateure vun de Sanitär- a Klimariichtungen (FIESC) am Gemengenhaus empfaangen.

Generell gi Schaarschtechbotzer als Glécksbrénger ugesinn. An dësem Kader hu si dovu profitéiert fir der Stad Lëtzebuerg déi bescht Wënsch fir dat neit Joer 2019 auszedrécken.

Apropos Glécksbrénger

Hutt Dir Iech net och schonn ëmmer gefrot, wisou d’Persounen, déi dëse Beruff ausüben, als Glécksbrénger ugesi ginn? Dëse Fait huet eng laang Geschicht, déi bis an d’Mëttelalter zeréck geet. Deemools gouf virgeschriwwen, datt d’Bierger op mannst zwee Mol am Joer hire Kamäin sollte botze loossen, schonn eleng fir ee Brand auszeschléissen. Wien dëser Flicht net nokoum, an d’Ongléck ass geschitt, huet missen eng Strof bezuelen.

Mat senger Aarbecht huet de Schaarschtechbotzer d’Onheel verdriwwen an d’Bierger viru Verloscht a Bestrofung geschützt. Aus dësem Grond war säin Handwierk gäre gesinn. Donieft goung et awer och ëm déi traditionell schwaarz Kleedung an d’Haut vum Schaarschtechbotzer déi oft knaschteg war duerch de Rouscht. Doduerch hunn d’Bierger sech mystesch Geschichten a Spekulatiounen ausgeduecht.

Ee Mythos ass et, datt de Schaarschtechbotzer ee Gesell vum Däiwel war a selwer beis Geeschter, sou wéi säi Meeschter selwer, bekämpfe konnt – eng praktesch Qualifikatioun am Mëttelalter.

Kamäin

Opmaacherbild: © Charles Soubry

Ähnlech Sujeten FIESC, Glécksbrénger, Neijoerschpatt, Schaarschtechbotzer, VDL
Nächsten Artikel Virrechten Artikel