Sichen

Dir kéint och nach folgende gefalen

Bullseye: Eng Premiere fir de Bristol-Darts zu Uewerkuer
Kultur Neiegkeeten Sport

Bullseye: Eng Premiere fir de Bristol-Darts zu Uewerkuer

Et war eng Premiere: Den éischte Festival, deen d‘Lëtzebuerger Darts

Alles am Bësch? Mäerzeg feiert den 21. Mäerz ganz gréng!
Kultur Neiegkeeten Sport

Alles am Bësch? Mäerzeg feiert den 21. Mäerz ganz gréng!

Am Kader vum Internationalen Dag vum Bësch huet um spéide

Ziilféierend Krichsrhetorik aus Washington
Kultur Neiegkeeten Sport

Ziilféierend Krichsrhetorik aus Washington

De Konflikt tëscht den USA an dem Iran ass nom

40 Cyclisten an hir sportlech Leeschtung um Moien

Mam Vëlo vu Miersch an d'Stad - een eenzege Succès!

40 Cyclisten an hir sportlech Leeschtung um Moien

Fir de Vëlo als alldeeglecht Transportmëttel positiv ervir ze hiewen – an dat op kuerzen a laange Strecken – huet d’Lëtzebuerger Vëlos-Initiativ (LVI) Asbl um vergaangenen Dënschdeg opgeruff mam Vëlo vu Miersch an d’Stad ze fueren. Passend zur europäescher Mobilitéitswoch ass een iwwert d’Vëlospist – vun der Mierscher Gare bis hin op de Knuedler – gerullt.

Am Ganze sinn duerch déi eege Beenkraaft 20 Kilometer zeréck geluecht ginn. Um fréie Moien hu sech eng 40 Cyclisten zesummefonnt, fir un der 4. Editioun vun der Manifestatioun „Mam Vëlo vu Miersch an d’Stad“ deelzehuelen, an esou ganz sportlech bis op d’Aarbecht, an d’Schoul oder een anere Rendez-vous ze kommen. Fir eng éischt Kéier huet d’Gemeng Biissen d’Aktioun ënnerstëtzt an och een Depart an der eegener Gemeng organiséiert, fir uschléissend dem Grupp zu Miersch bäizetrieden.

Et war zwar immens fréi, an awer ass de Grupp pünktlech um hallwer 7 fortgefuer. An der Stad Lëtzebuerg sinn d’Cycliste schliisslech vun de Schäffe Patrick Goldschmidt a Maurice Bauer begréisst ginn a krute fir hir sportlech Leeschtung mat enger Mëtsch belount.

Elo sinn et scho 7 Joer hir, datt d’Aktioun eng éischt Kéier lancéiert ginn ass. Deemools hat d’LVI, zesumme mam Verkéiersverbond, d’Partner vun der „Conventioun Uelzechtdall“, also de Ministère fir nohalteg Entwécklung an Infrastrukturen, sou wéi d’Gemenge Walfer, Steesel, Luerenzweiler, Lëntgen a Miersch, an natierlech net ze vergiessen d’Stad Lëtzebuerg kontaktéiert, fir esou op den Defizit u Sécherheet a Komfort fir d’Cyclisten op der Streck opmierksam ze maachen. Doropshin sollt de Vëlo als gréngt Verkéiersmëttel ënnerstëtzt a qualitativ héichwäerteg Infrastrukture fir Cycliste provozéiert ginn.

Mam Vëlo vu Miersch an d'Stad

Mam Vëlo vu Miersch an d’Stad © LVI

Wënsch fir d’Zukunft

Mëttlerweil ass d’Streck tëscht Miersch a Walfer fir d’Cyclisten tatsächlech méi sécher a komfortabel ginn. Trotzdeem recommandéiert d’LVI verschidde weider Moossnamen, déi zur Verbesserung féiere kéinten.

Eng méi direkt a schnell Verbindung op de Vëlospisten tëscht Miersch an der Stad wire wënschenswäert. De Projet vum Reamenagement vun der N7, deen am Juli 2017 vum Ministère presentéiert ginn ass, huet schonn ee gudde Schrëtt an déi richteg Richtung gemaach. Allerdéngs waart een nach ëmmer op déi eigentlech Realisatioun.

Weiderhi bleift d’Sécherung vun der PC1 um Niveau Kromm Läntgen zu Walfer an der Rue des Hauts Fourneaux zu Dummeldeng ee Problem. Hei gesäit de Ministère eng propper Ëmsetzung vum Vëloswee laanscht d’Schinne fir, de Projet ass awer och nach net konkret genuch.

Eng zimlech rezent Kritik ass d’Installatioun vu fixe Barrièren, sou datt d’Cycliste gezwonge gi méi lues ze fuere wann een an de Parc Laval zu Weimerskirch erafiert. D’Plaz tëscht den aktuelle Barrièren ass zimlech begrenzt, sou datt de Passage sech als schwéier erausstellt. Virun allem wann een eng Remorque um Vëlo huet, een Tricycle oder aner speziell Zweerieder fiert, gëtt een hei virun eng Erausfuerderung gestallt.

Bei allen Umierkunge weist ee sech awer glécklech, datt d’PC1 op der Héicht vun der „Eecher Paart“ (Rue Laurent Ménager) nees op ass. Donieft kann een einfach mam Panorama-Lift vum Pafendall an d’Uewerstad kommen. Doduerch, datt d’Notzung vum Vëlo ëmmer méi beléift gëtt, ginn och d’Vëlospiste gäre genotzt.

Opmaacherfoto: Ukomm um Knuedler © LVI

Ähnlech Sujeten Lëtzebuerger Vëlos-Initiativ, LVI, Mam Vëlo vu Miersch an d'Stad, Vëlospist
Nächsten Artikel Virrechten Artikel