Search

You may also like

Editorial: Wien sech u Kanner vergräift…
International Neiegkeeten

Editorial: Wien sech u Kanner vergräift…

Den Uschlag op ee Concert zu Manchester, dee vum islamesche

Frankräich: Mann kritt op oppener Strooss de Kapp ofgeschloen
International Neiegkeeten

Frankräich: Mann kritt op oppener Strooss de Kapp ofgeschloen

E Freideg am Nomëtten ass ee Mann onwäit vun enger

Griicheland trauert a kämpft weider géint d‘Flamen
International Neiegkeeten

Griicheland trauert a kämpft weider géint d‘Flamen

Et ass keng liicht Aarbecht, an awer hunn d‘Pompjeeën um

Venezuela: De Kampf ëm d‘Muecht geet weider

Immunitéit vum selwer ernannten Interimspresident Juan Guaido soll opgehuewe ginn

Venezuela: De Kampf ëm d‘Muecht geet weider

E Méindeg ass et am venezuelanesche Muechtkampf, deen de selwer ernannten Interimspresident Juan Guaido mat der Ënnerstëtzung vu Washington féiert, zu engem Revirement komm. Den ieweschte Riichter Maikel Moreno huet d‘Deputéiert opgefuerdert dem Parlamentspresident seng politesch Immunitéit opzehiewen.

Hannergrond fir dës Fuerderung, ass ënnert anerem dem Juan Guaido säi verstouss géint déi him operluechten Ausreesspär. Weider „Virwërf“ sinn d‘Ustëftung vu Gewalt an de Fait datt hie Geld aus „illegale Quellen“ ugeholl huet. De Maikel Moreno, deen dem President Nicolas Maduro nosteet, huet seng Demande un d‘Constituante, déi verfassungsgebend Versammlung geriicht.

De Juan Guaido, als Parlamentspresident, genéisst Immunitéit an schéngt gewëllt ze sinn déi och ze behalen. Hien huet erwaardungsgeméiss d‘Interventioun vum ieweschte Geriicht zréckgewisen an als „Farce“ veruerteelt. Hie weess datt déi international Communautéit him de Réck stäipt, an et net esou „einfach“ ass sech u senger Persoun ze vergräifen. Mee och dofir gëtt et Grenzen…

Venezuela

Et muss een an dësem Kontext och drun erënneren, datt am Hannergrond d‘USA d‘Ficellen an der Hand hunn. Washington huet eng 50 Länner – dorënner och Lëtzebuerg – iwwerzeegt kritt, sech fir d‘Ressource an déi profitabel Geschäfter ze interesséieren. Ënnert dem Virwand vun „Demokratie“ a „Fräiheet“ (no US Virbild) wëll Washington e Regimewiessel erbäiféieren oder erzwéngen.

Wien den längeren Otem huet gewënnt?

Mat ëmmer méi Acteure gëtt d‘Lag a Venezuela esou lues oniwwersiichtlech. Zudeem huet sech no der „politescher Kris“ och e weidere Phenomen agelueden: „Sabotage“. Esou kënnt et zanter dem 7. Mäerz esou gutt wéi all Dag zu Stroumausfall, et gëtt Problemer bei der Waasserversuergung, och den Unterrecht huet fir eng Woch missen ënnerbrach ginn… An dat alles ass keen Zoufall.

De Nicolas Maduro huet misse reagéieren, an esou säin Energieminister, de Generol Luis Motta Dominguez, ersetzen. Hei soll elo den Ingenieur Igor Gavidia Leon, zur Léisung bäidroen. De Mann dee 25 Joer Beruffserfarung matbréngt, soll dann och d‘Direktioun vun der CorpoElec, dem staatleche Stroumkonzern (Corporacion Electrica National), iwwerhuelen.

Venezuela

Mëttlerweil sinn och dem Maduro seng Géigner net méi ganz iwwerzeegt, dat déi Problemer bei der Versuergung mat Stroum a Waasser bestinn, eng „natierlech“ Ursaach hunn. De „Verdacht“ datt et heibäi ëm Sabotage geet huet sech an der tëscht och bei de Regimegéigner breet gemaach. Ëmmerhi sollt ee sech Froe wien den Notze vun enger Rationéierung vu Stroum a Waasser huet.

mat indymedia global

Foto: Hien huet sech selwer zum Interimspresident ernannt, a gëtt vu vill Länner als deen eenzeg legitimme President vum Venezuela unerkannt. Elo soll seng Immunitéit – déi hien als President vum Parlament genéisst – entzu ginn. © dlvr.it

Related topics Amëschung, Juan Guaido, Nicolas Maduro, Regimewiessel, Venezuela
Next post Previous post