Sichen

Dir kéint och nach folgende gefalen

dislike
Bildungsmonitor 2017: Lëtzebuerg schléit sech gutt – et kéint awer besser sinn!
Meenung WTF

Bildungsmonitor 2017: Lëtzebuerg schléit sech gutt – et kéint awer besser sinn!

Am Haus vun der europäescher Union um Krautmaart, ass um

D’Zwiebelfreunde an Däitschland geroden an d’Viséier vun der Police
Meenung WTF

D’Zwiebelfreunde an Däitschland geroden an d’Viséier vun der Police

Et ass e Fall, dee staark kritiséiert gëtt. An Däitschland

cool
Friddensplang vun den USA ass e Schlag an d‘Gesiicht vun de Palestinenser
Meenung WTF

Friddensplang vun den USA ass e Schlag an d‘Gesiicht vun de Palestinenser

Beim klenge „Sommet“ vun de Leader vun der palestinensescher Befreiungsorganisatioun

surprise

Ass Lëtzebuerg prett fir en neie Referendum?

E Kommentar

Ass Lëtzebuerg prett fir en neie Referendum?

Wann een iwwert Politikverdrossenheet schwätz, gi gäre gewësse Léisungen ëmmer nees presentéiert. Eng vun deene Léisungen ass de Referendum. D’Iddi ass keng domm, well esou kann een d’Wieler direkt uschwätzen a se mat engem Thema konfrontéieren. Hier Participatioun ass deen Ament erwënscht, an et fënnt en Debat statt. Alles wënschenswäert Eegenschaften! Mee et muss een sech froen, wéini e Referendum da Sënn mécht, a wéini net.

Grad do läit d’Kromm an der Heck, wann et ëm d’Verfassungsreform geet, déi iergendwann eng Kéier komme soll. Déi soll duerch e Referendum ofgeseent ginn. Mee do ginn et awer Politiker, déi dat kritesch gesinn. Well et ass kloer: Eng grouss Verfassungsrevisioun, dat betrëfft net e puer Kärpunkten. Nee, do ginn et ganz vill Upassungen. An et gëtt gefaart, datt esou eng Reform an engem Referendum géing duerchfale, well jiddereen un engem Punkt eppes auszesetzen hätt. D’Zuel vun de Leit, déi mat al Ännerung zu 100% d’Accord sinn dierft, si mer eis éierlech, iwwerschaubar sinn.

Engem Referendum kënnt een ënnert Ëmstänn awer net aus dem Wee

D’Alternativ ass och keng Flott. Déi nächst Regierung kann eng Verfassungsrevisioun virleeën a sech da beméien, eng 2/3 Majoritéit an der Chamber zesummen ze kréien. Do ass virauszegesinn, datt d’Oppositiounsparteie musse matspillen. Souguer wann dat de Fall ass, kënne 25.000 agedroe Wieler dofir suergen, datt et awer zu engem Referendum kënnt, déi den zweeten obligatoresche Vote dräi Méint nom éischten ersetzt. Kuerz, der Fro vum Referendum kann een net esou einfach entgoen.

All dëst virausgeschéckt sollt kloer sinn, datt esou e Referendum besser preparéiert muss sinn, wéi dat, wat mer 2015 erlieft hunn. D’Informatiounscampagne huet a mengen An ze wënschen iwwreg gelooss – egal op offline oder online! Et misst een sech awer och froen, op een net, am Geescht vun 2015, sollt higoen, an eenzel kriddeleg Punkte schonn am viraus per Referendum klären. Eng aner Fro déi sech stellt ass, op d’Debatten- an Diskussiounskultur zu Lëtzebuerg en neit Referendum zou léisst.

Well d’gesellschaftlech Spléckung, déi op mannst deelweis aus dem leschte Referendum ervir gaangen ass, ka fir eis Gesellschaft net gutt sinn. Si huet Extremismen accentuéiert an ënnert anerem de Rietsextremen op d’Spréng gehollef. A genau dat muss ee bei den nächste Referenden onbedéngt an de Grëff kréien. Well Populiste sinn a bleiwen eng Gefor fir eis Demokratie, virun allem well se mat de sozialen Netzwierker esou e liicht Spill hunn. Op sech dat mat enger ëmfaassender an uerdentlech gefouerter Informatiounscampagne ëmgoe léisst, bleift do am Moment nach op.

Nächsten Artikel Virrechten Artikel