Nei am Verlag Lilu: De Molbier

Am neie Wierk „De Molbier“ gëtt d’Geschicht vum klenge Bier Mo erzielt, deen duerch sàin speziellt Talent ee ganzt Duerf nees verbënnt. Mat Léift a Feingefill geet den Auteur eng spannend, awer och häerzeg Aventure an.

Wéi de Mo méi al war, wousst keen,
wat aus em soll ginn.
„E Molbier, dat kann net sinn!
Dat huet d’Welt nach net gesinn!“

De Molbier mécht näischt léiwer, wéi ze zeechnen an ze molen. Net jiddwereen fënnt dat gutt: Well e léiwer moolt, wééi aner Déieren ze joen muss en d’Duerf verloossen. An der Stad kann e senger Leidenschaft nogoen, bis seng al Heemecht enges Daags op seng Hëllef ugewisen ass.

D’Kannerbuch, mam Text vum Sven Wohl an Illustratioune vum Sabrina Kaufmann huet 36 Säiten, ass op Lëtzebuerger Sprooch geschriwwen an zënter dem 1. Oktober 2019 als Hardcover erhältlech. Fir 14 € kann een senge léifste Butzen eng Freed maachen (ISBN: 978-2-9199512-4-6).

De Verlag Lilu kënnt Dir iwwregens méi no kenneléieren ënnert www.lilu.lu.