Search

You may also like

Den FNR fërdert Projeten zur Weltraumerfuerschung
Erkläert

Den FNR fërdert Projeten zur Weltraumerfuerschung

Et ass déi éischte Kéier, datt sech de nationale Fong

Vu Brigangen an anere Gesellen
Erkläert

Vu Brigangen an anere Gesellen

D‘Chrëschtdeeg si fir d‘Police keng roueg Zäit, an esou dierften

Chemnitz: Onséileg Unioun vun de Populiste mat de Faschisten
Erkläert

Chemnitz: Onséileg Unioun vun de Populiste mat de Faschisten

Um Samschdeg sinn eng 8.000 Manifestanten duerch d‘Stroosse vu Chemnitz

De Vermummungsverbuet, erkläert

De Vermummungsverbuet, erkläert

Dëse Méinden huet de Justizminister Felix Braz (déi gréng) eng Gesetzespropositioun virgestallt, déi d‘Vermummung op nationalem Niveau regléiert. Mee wat genee gëtt mat deem Gesetz gereegelt?

Ass d‘Gesetz wierklech e Burkaverbuet?

Net am explizite Sënn, mee am impliziten. D‘Burka gëtt nëmmen als eng vu ville Vermummungsméiglechkeete genannt. D‘Burka gëtt och net am Titel vum Gesetz genannt.

Wat reegelt d‘Gesetz?

D‘Gesetz verbitt d‘Vermummung am ëffentlechen Transport, an a ronderëm Schoulgebaier, Spideeler an ëffentlechen Administratiounen. Ausserdeem gëtt och eng Lëscht vun Ausnamen etabléiert, déi fir dës spezifesch Plaze gëllt. Sou kann eng Vermummung aus gesondheetlechen, professionellen, sportlechen, feierlechen a kënschtleresch/traditionelle Grënn erlaabt ginn.

Moment, gouf dat net schonn op kommunalem Plang gereegelt?

Jo an Nee. Zum Thema Vermummung ginn et ganz ënnerschiddlech kommunal Police Reglementer. Op 105 Gemengen hunn 47 dësen Aspekt gereegelt. Dës Gemengen ëmfaassen 72,75% vun der Populatioun vum Land.

Heescht an der Ëffentlechkeet däerf een awer eng Burka droen?

Wa mat „Ëffentlechkeet“ do baussen op der Strooss gemengt ass, sou hänkt d‘Äntwert op des Fro vum jeeweilegen Gemenge-Reglement of. Falls do keent existéiert ännert des Gesetz an där Hisiicht näischt.

Firwat gëtt d‘Burka national nëmmen op gewësse Plaze verbueden?

D‘Begrënnunge ginn am Commentaire vum Text opgezielt. Esou wier et am ëffentlechen Transport wichteg, datt d‘Personal d‘Fuergäscht identifizéiere kann. Bei de Schoule géife Vermummungen dozou bäidroen, d‘Kommunikatioun ze stéieren. Dëst wier och e wichtege Faktor am Gesondheetsberäich. Viru Geriicht wier et des weideren onvirstellbar, datt een sech do vermummt presentéiere kéint, misst d‘Identitéit vun de Persounen dach zu all Ament festgestallt kënne ginn.

Wee gesäit dës Léisung kritesch?

Während déi gréng dës Solutioun an hirem Pressecommuniqué als pragmatesch an net diskriminéierend bezeechent, ass net jidderee glécklech. Déi jonk gréng beispillsweis weisen se sech net glécklech iwwert d‘Gesetzespropositioun: Sou géif mat deem Gesetz d‘Stigmatiséierung viru gedriwwe ginn.

Manner iwwerraschend sinn d‘Reaktioune vun CSV an ADR. Fir béid Parteien geet de Verbuet net wäit genuch. Déi lénk dogéint fannen d‘Léisung iwwerzunn.

Related topics adr, CSV, déi gréng, déi lénk, Erkläert, Felix Braz, Lëtzebuerg
Next post Previous post