Sichen

Dir kéint och nach folgende gefalen

Kuerz Notéiert: CETA
Kultur Neiegkeeten

Kuerz Notéiert: CETA

Wann et richteg ass, datt d‘Chamber bis den 3. Abrëll

D’Kris vum Covid19: Eng gemeinsam Erausfuerderung an de Lëtzebuerger Schoulen
Kultur Neiegkeeten

D’Kris vum Covid19: Eng gemeinsam Erausfuerderung an de Lëtzebuerger Schoulen

Coronaviruskris huet eis all iwwerrumpelt an d’Liewe vun de Kanner,

Géint de Broschtkriibs: Den Oktober kleet sech Rosa!
Kultur Neiegkeeten

Géint de Broschtkriibs: Den Oktober kleet sech Rosa!

Nom Kampf géint de Klimawandel an d‘Inaktivitéit vun der Politik,

Voll Natur 2 – Dat Bescht vu Panewippchen & Co

Voll Natur 2 – Dat Bescht vu Panewippchen & Co

Sou, et gëtt Zäit fir déi nächst Akafslëscht, eist Klengt kritt awer e klengt Gebuertsdagsfest – Just d’Mamma, de Pappa a seng grouss Gesëschter. Säin éischt Spillschoulsjoer ass an d’Box gaangen, da sollen seng fënnef Joer wéinstens uerdentlech gefeiert ginn. Mam Kannerbuch Voll Natur 2 gëtt déi ideal Portioun u Spaass heivir proposéiert.

Se si besonnesch. En neien Ufank. An iergendwéi ass de Rescht vun der Famill jo och dobäi, wann och just a Gedanken. Den Dag ass nawell gutt duerchgeplangt. Mir blose faarweg Loftbäll op, iesse Kuch an ameséieren eis. Ech hoffen op gutt Wieder, d’Buch Voll Natur 2 aus den Editions Guy Binsfeld spillt och eng grouss Roll bei eisen Aktivitéiten.

Et sinn 160 Säite Wëssen, Spill a Spaass.

Et ass voller Iddien – vu Rezepter bis zu léierräichen a spannenden Experimenter ass alles dobäi. Et gëtt vill ze rätselen an z’erfuerschen. D’Kanner maache Bekanntschaft mat de véier Joreszäiten a geheien e grousse Bléck an d’Natur. Si léieren d’Geschicht vu Lëtzebuerg (an der Welt) kennen a kënnen hier Sproochekenntnisser testen – oder verschidde Begrëffer op Latäin léieren.

Voll Natur

© camilo jimenez / Unsplash

Et sti vill Bastelideeën dran, déi drop waarde vun eis ëmgesat ze ginn. D’Buch ass fir all Altersklass, duerch déi ënnerschiddlechst Theme fënnt jiddereen dat passend! Et gi Kulturen, Déieren, Beem a Planzen ënnert d’Lupp geholl – mir hu scho vill Lieszeechen drastiechen a wäerten eis nach dacks tëscht de Säiten a Geschichte verléieren. Ech si mir sécher, dass ech och no widderhueltem Kucke vill Neies wäert entdecken.

Mir si begeeschtert!

Well mir Lëtzebuerger gären eis alldeeglech Ausdréck verhonzen, ass et flott, vill där al, vergiesse Wierder vun eiser Sprooch erëm ze begéinen. A gleeft mir, no dësem Buch grommelt Äre Mo – ech hunn elo Loscht op en Petitbeurreskuch, ma ech hunn awer keng Zäit. Mir bastelen elo e Vulkan, de Kichepabeier steet scho prett.

Ech wëll kachen a baken. Bastelen a spillen. Beem an den Aarm huelen, der Natur no sinn. Méi iwwert eis, eist Land an d’Welt gewuer ginn.

D’Liese vum Buch mécht virwëtzeg a Loscht op méi!

Opmaacherbild: © Jessica Mersch / Bichergeck


Dës Buchpresentatioun ass Deel vun eiser Aktiounswoch zum Weltdag vum Buch an den Auteursrechter.

Ënnert dem Motto „New beginnings – En neien Ufank“ soll, duerch d’Literatur, den Enthusiasmus fir een Neistart lassgekiddelt ginn. Wou zu Lëtzebuerg eigentlech, iwwert eng ganz Woch verdeelt, déi verschiddenst Evenementer an Aktivitéiten zum Thema Buch a Literatur organiséiert ginn, huet een d’Aktiounsdeeg an den Internet verlagert. Online gëtt esou d’Fërderung vum Liesen an d’Verbreede vu Wëssen ervirgehuewen, fir esou op nei Fantasie-Zich opzesprangen.

D’Redaktioun vu Moien.lu wënscht dem Gebuertsdagskand alles Guddes, ganz vill Spaass an ee super leckere faarwege Kuch!

Ähnlech Sujeten Bastelideeën, Déieren, Editions Guy Binsfeld, Geschichten, Kannerbuch, Kultur, Planzen, Rezepter, Voll Natur 2, Weltdag vum Buch an den Auteursrechter, Wëssen
Nächsten Artikel Virrechten Artikel