Search

You may also like

Déi däitsch Police huet kee Problem mam Rassismus
International Neiegkeeten

Déi däitsch Police huet kee Problem mam Rassismus

D‘SPD-Cheffin Saskia Esken hat ee „latente Rassismus bei der Police“

Kambodscha wëll d‘Fraen züchtegen
International Neiegkeeten

Kambodscha wëll d‘Fraen züchtegen

Am Kambodscha soll elo de Frae per Gesetz ënnersot sinn,

Eurostat: Industrieproduktioun am Euroraum ëm 1,6 % erofgaangen
International Neiegkeeten

Eurostat: Industrieproduktioun am Euroraum ëm 1,6 % erofgaangen

De Schätzungen no vun Eurostat, dem statisteschen Amt vun der

Moskau erzwéngt Wafferou am Kaukasus

Et schéngt wéi wann sech Armenien an Aserbaidschan op en Enn vun de Kampfhandlunge verstännegt hätten

Moskau erzwéngt Wafferou am Kaukasus

No eppes méi wéi sechs Woche schwéieren Ausenanersetzungen am Bergkarabach, ass et schonn de véierte Versuch d‘Kampfhandlungen an dëser Südkaukasusrepublik ze stoppen. Elo soll et dem russeschen Zar Vladimir Putin gelonge sinn, Armenien an Aserbaidschan an d‘Léngt ze huelen an d‘Wafferou dauerhaft duerchzesetzen. Déi russesch Arméi/Friddenstruppen iwwerwaachen dat.

Dës erfreelech Ausso koum vum Kreml an de russesche Verdeedegungsministère huet schon an der Nuecht op en Dënschdeg Opname verëffentlecht, déi d‘Transportvirbereedung vun de Zaldoten – déi gi per Fliger an d‘Kriseregioun bruecht – weise soll. De Konflikt selwer ass domadder leider net bäigeluecht an et ass net dovunner auszegoen, datt d‘Leit jeemools hir Autonomie zeréckkréien.

Fir de vun Ankara gestäipte Staatschef vum Aserbaidschan, Ilham Alijew, war et wichteg emol den Asaz vun dëse „Friddenstruppen“ op fënnef Joer ze begrenzen. Woubäi et méiglech ass, wa béid Säiten dat wënschen, dësen Accord ze verlängeren. De Kontingent vu russesche Friddenstruppen ass op 2.000 Mann begrenzt. Zu de Waffegattungen déi agesat ginn, gouf et nach keng Detailer.

Wafferou

De President vun der net unerkannter Republik Bergkarabach, Araik Arutjunjan, huet den Accord misse matdroen an erkläert: „Déi entstane schwéier Situatioun, berécksiichtegend a vun der Noutwennegkeet ausgoend, weider grouss mënschlech Verloschter ze vermeiden, hunn ech meng Zoustëmmung zur Beendegung vum Krich ginn“, esou de 46 järege kuerz a knapp op Facebook.

Dës Wafferou wëll nohalteg gestalt ginn

Bezunn op dat wat de Kreml erausginn huet, wier dës vereenbaarte Wafferou d‘Grondlag fir déi längerfristeg Léisung vum Problem: „Bergkarabach“. No dräi Uleef wier elo endlech en Terrain d‘Entente fonnt ginn, an et hätten dës Kéier och d‘Staatscheffen hir Ënnerschrëft geleescht. Dat stëmmt esou net ganz… et bis elo just de Vladimir Putin an den Ilham Alijew ënnerzeechent.

Op der aserbaidschanescher Tëlee ass live iwwerdroe ginn, wéi den Zar an den Diktator parallel d‘Dokumenter ënnerzeechent hunn, an eigentlech hätt och den armenesche Regierungschef Nikol Paschinjan un dëser Zeremonie sollen deelhuelen. An enger Usproch u säi Vollek huet den Ilham Alijew gesot: „De Paschinjan huet sech geweigert d‘Erklärung ze ënnerschreiwen, mee hie wäert dat maache mussen“.

Wafferou

Den Nikol Paschinjan selwer huet vun enger äusserst schwiereger Entscheedung geschwat. „Den Text ass fir mech a mäi Vollek schmäerzhaft“, esou den Armenier deen sech no laanger Analys an Iwwerleeung fir d‘Ënnerzeechnung entscheet huet. Jee nodeem aus wéi enger Richtung een dat bewäert, kann een d‘Ënnerschrëft vun den Armenier als eng „Kapitulatioun“ gesinn.

Fir den Ament awer ass sech emol op folgend Schrëtt verstännegt ginn:

  • Austausch vun de Gefaangenen;
  • Iwwergab vun de Läiche vun de gefalenen Zaldoten;
  • d‘Flüchtlinge sollen ënnert der Opsicht vun de Vereenten Natiounen an hir Heemecht zeréckgefouert ginn;
  • russesch Grenztruppen iwwerhuelen d‘Kontroll iwwert d‘Transportverbindungen tëscht Bergkarabach an Armenien;
  • Aserbaidschan an Armenien fréieren hir (militäresch) Positiounen an.

mat indymedia/mow

Illustratioun: © Yomex Owo / unsplash

Related topics Armenien, Aserbaidschan, Bergkarabach, Krich, Moskau, Tierkei, Wafferou
Next post Previous post