Sichen

Dir kéint och nach folgende gefalen

Jean-Claude Juncker, EU-Kommissiounspresident: Zäit fir den Ofschid
International Money Neiegkeeten

Jean-Claude Juncker, EU-Kommissiounspresident: Zäit fir den Ofschid

Griicheland, Migratioun a Brexit… Un der Spëtzt vun der EU-Kommissioun

Eng „anonym an explosiv“ Tribün an der New York Times veriergert den US-President
International Money Neiegkeeten

Eng „anonym an explosiv“ Tribün an der New York Times veriergert den US-President

No der Verëffentlechung duerch d‘New York Times vun enger Tribün,

Verkéier: d‘Konterattack vum Hesper Buergermeeschter
International Money Neiegkeeten

Verkéier: d‘Konterattack vum Hesper Buergermeeschter

D‘Gemeng Hesper ass datt wat ee Verkéiersflosstechnesch en „Triichter“ nennt

money

Waffestëllstand fir de chinesesch-amerikaneschen Handelskrich

Den US-President hat et am Oktober ugekënnegt elo gouf de Wësch feierlech ënnerschriwwen

Waffestëllstand fir de chinesesch-amerikaneschen Handelskrich

Am Sträit tëscht China an dem Donald Trump gëtt et, bezunn op den US-Wahlkampf, gutt Nouvelle fir d‘Republikaner. Am Handelskrich huet sech béid Parteien, mat der Ënnerschrëft ënnert de vum US-President am Oktober annoncéierten Accord, feierlech op eng Aart Waffestëllstand agelooss.

Wann dëst Ofkommes esou wéi et vereenbaart ginn ass och sollt ëmgesat ginn, dat hätt dee gréissten a geniaalsten Diplomat aller Zäiten et tatsächlech ronn bruecht, e groussen Erfolleg Opweises ze hunn. Woubäi een natierlech och de Wäert vun der trumpscher Ënnerschrëft muss berécksiichtegen an et am Detail elo och net wéi fälschlecherweis duergestallt, dee „Mega-Deal“ ass.

Waffestëllstand

Et ass sécherlech eng Verbesserung vum wirtschaftleche Gläichgewiicht, mee dofir hätt et elo net wierklech en zolitten Handelskrich gebraucht. Wéi och ëmmer: elo huet sech Peking verflicht den USA méi landwirtschaftlech an industriell Produiten ofzekafen, an och bei der Energie soll méi „Echange“ stattfannen. Et geet ëm Pëtrol a Gas, vun deem es d‘USA jo elo am Iwwerfloss hunn.

D‘Chinesen hunn esouguer versprach, dat „geeschtegt Eegentum vun – opgepasst Betounung: – den amerikaneschen Entreprisen ze respektéieren“ an US-Firme sollen net méi gezwonge ginn, den Transfert vun Technologien u chinesesch Filiale ëmzesetzen. Zudeem sollen US-Finanzinstituter méi liicht Zougang zum chinesesche Maart erhalen. Fir den Trump eng däitlech Victoire.

Alles ass gutt wat et d‘Muecht erhält

Wann den Donald Trump senge Kritiker ëmmer virgehalen huet, datt d‘USA dee „längeren Otem“ hätten, esou huet hie fir unzefänken déi eege Leit geschiedegt. Vill Bauere konnten deels guer keng Wueren a China verkafe well och Peking d‘Douanestaxen ugepasst huet. Deenen erkläert hien elo datt et säi Verdéngscht ass, datt si nees Geschäfter maache kënnen a si hie wiele sollten.

WaffestëllstandDen US-President, méi Showmaster wéi Diplomat, kann dank amerikanescher Schwarmintelligenz glafwierdeg verkafen, datt nëmmen hien déi noutwenneg Intelligenz opbrénge kann, déi richteg a wichteg Entscheedung fir déi (wäisst a streng kathoulescht) gréissten a respektéiertste Weltmuecht ze treffen. A genee esou gesinn dat d‘Amerikaner, besonnesch déi wou dorënner ze leiden hunn.

Eigentlech sollten sech d‘Amerikaner näischt virmaachen. Mat dësem „Accord“ ass de „Krich“ net eriwwer an op de Waffestëllstand sech hale kann, dat ass ënnert dem Trump éischter eng Lotterie. D‘Douanestaxe gi bäibehalen a schueden och weiderhin den US-Entreprisen an de Konsumenten. D‘Wirtschaftsverbänn fuerdere weider Verhandlungen an iwwerweise Milliounen an de Wahlfonds.

WaffestëllstandZudeem wëllen d‘Amerikaner e besseren Zougang zum chinesesche Maart an d‘Enn vun de staatleche Subventioune fir chinesesch Entreprisen. Dat ass en Agrëff an d‘Wirtschaftspolitik, dee Peking net wäert zouloossen, firwat et nach ee wäite Wee bis zum Handelsfridden ass…

mat indymedia/was

Foto: © White House

Ähnlech Sujeten China, Deal, Donald Trump, Handelskr, USA
Nächsten Artikel Virrechten Artikel