Sichen

Dir kéint och nach folgende gefalen

Eng gutt Fro: Wien schreift d‘Gesetz?
International Neiegkeeten

Eng gutt Fro: Wien schreift d‘Gesetz?

Et ass u sech kee Geheimnis, zumindest wat d‘EU betrëfft,

Rotondes: Den offizielle Programm bis den 1. Mäerz 2020
International Neiegkeeten

Rotondes: Den offizielle Programm bis den 1. Mäerz 2020

Vu Kultur, Musek a Konscht, iwwert Konferenzen, Workshops an Atelieren

What the Fakt – A Gedenken un d’Opfer vum Nationalsozialismus
International Neiegkeeten

What the Fakt – A Gedenken un d’Opfer vum Nationalsozialismus

Um 27. Januar 1945 war et déi Rout Arméi, déi

Weltdag vun den Ozeaner – Et gëtt villes ze verléieren, awer och ze gewannen

Weltdag vun den Ozeaner – Et gëtt villes ze verléieren, awer och ze gewannen

Iwwer zwee Drëttel vun der Äerd si vu Waasser bedeckt an awer wësse mir méi iwwert de Mound, wéi iwwert d’Ozeaner. Wärend d’Mierer eng wichteg Quell fir eist Iwwerliewe sinn, gëtt genee dëse Liewensraum vun Iwwerfëschung, Verschmotzung an dem Klimawandel bedreet. Dobäi ass d’Gesondheet vun de Mierer och enk un eis eege Gesondheet gebonnen, wourop ee mam Weltdag vun den Ozeaner opmierksam maache wëll.

Mir all sinn duerch d’Waasser verbonnen. Scho fréi hunn d’Mënsche bemierkt, datt d’Mierer wichteg fir hire Liewensënnerhalt, d’Ernierung, den Transport an Handel sinn. Als gréisst Proteinquell vun eisem Planéit si ronn 3 Milliarde Mënschen op d’Mierer ugewisen. Donieft gëllt dat killt Naass och als Long vun der Äerd. Gutt 30 % vum CO2 ginn nämlech esou absorbéiert. Manner bekannt ass vläicht d’Tatsaach, datt d’Mierer fir d’Medezin an d’Fuerschung essentiell sinn.

Hëllef am Kampf géint Covid-19?

De Liewensraum Mier ass gepräägt vun enger räichhalteger Biodiversitéit. An dat meescht dovunner gëllt et nach ze entdecken. Ganzer 95 % vun de Gewässer sinn nämlech nach onerfuerscht, wouduerch mir de Mound besser kennen, wéi d’Mierer op eisem eegene Planéit. An awer notzt een elo scho Mieresorganismen, wéi Bakterien, Korallen oder Schwämm, fir aus hire Substanze Medikamenter hierzestellen.

Mëttlerweil konnten esou Kriibsmedikamenter oder Mëttel géint Péng produzéiert ginn. Schonn an der Antik huet den Dramatiker Euripedes matgedeelt: „D’Mier befreit eis vun alle Wonne vun der Welt“. Besonnesch op d’Wierkung vu Miersalz an Algen baut ee säit Joerhonnerten. Ma, elo kënnen eis Mierer eventuell souguer am Kampf géint den neiaartege Coronavirus hëllefen.

E Bakterium aus den Déifte vun den Ozeaner soll bei de Schnelltester fir d’Presenz vum Covid-19 festzestellen agesat ginn. Wéi d’Francesca Santoro, Ozeanografin a Wëssenschaftlerin bei der IOC-UNESCO, erkläert ass den Organismus 1986 vun engem amerikanesche Mikrobiolog fonnt ginn. Net nëmmen a Saache Covid-19, mee och bei der Diagnos vun Aids a SARS soll dëst Bakterium agesat ginn. Den Numm oder déi genee Funktioun vum Organismus gouf allerdéngs néierens matgedeelt.

Un der Technescher Universitéit Dresden erfuerschen de Björn Binnewerg a seng Kollegen aktuell de Goldschwamm (lat.: Aplysina aerophoba). Ëmmer wann de Schwamm blesséiert gëtt, setzt dësen een Aminosaierderivat fräi, dat Friemkierper, Bakterien a Vire vernicht. Bei éischten Experimenter konnt d’Ekipp erausfannen, datt déi vum Goldschwamm produzéiert Bromtyrosine souguer multiresistent Batkeriestämm ugräifen. Mat klineschen Etüde well een elo kucken, ob de Schwamm och am Kampf géint de Covid-19 kann nëtzlech sinn.

Ozeaner

© James Thornton / Unsplash

Verdeedegen, erhalen a schützen

Nieft dem medezineschen Aspekt geet et beim Aktiounsdag och ëm d’Mieresbewunner, déi staark vun Iwwerfëschung an dem Klimawandel bedreet sinn. Ënnert anerem ass et déi international Mieresschutzorganisatioun Sea Shepherd, déi sech fir de Schutz vun eise Mierer asetzt. Mat Konsequenz an ausgestreckten Ielebéi gëtt sech ënnert anerem géint illegal Fëscherei, beispillsweis a West-Afrika, agesat.

Dobäi kënnt de Schutz vu Mieresschildkröten, wou zum Beispill op der franséischer Insel Mayotte am indeschen Ozean Membere vun der Organisatioun patrulléiert hunn, sou datt d’Déieren ongestéiert hir Eeër um Strand ofleeë konnten, ouni wéinst hirem Fleesch gejot ze ginn.

Aktuell steet d’Verbuet zum Handel mat Haiflossen am Fokus. D’Déier gëtt an onethescher Manéier mësshandelt an erleit ee qualvollen Dout. Nodeems d’Floss ofgetrennt ass, gëtt den nach liewegen Hai nees zeréck an d’Mier gehäit, wou en lues ofsénkt, sech net méi richteg viru beweege kann a schlussendlech stierft. Nach bis den 31. Januar 2021 muss Lëtzebuerg 4.500 Ënnerschrëfte kréien. Hëlleft och Dir mat bei der Petitioun!

Opmaacherbild: © Cindy Chan / Unsplash

Ähnlech Sujeten AIDS, Biodiversitéit, Covid-19, Ernierung, Gesondheet, Goldschwamm, Handel, Illegal Fëscherei, Medezin, Mier, Mieresliewewiesen, Petition, SARS, Sea Shepherd, Transport, Vereente Natiounen, Weltdag vun den Ozeaner
Nächsten Artikel Virrechten Artikel