Sichen

Dir kéint och nach folgende gefalen

dislike
D‘Diskussioune ronderëm de Wielerwëlle si sënnlos a lenken of vun den eigentleche Problemer
Neiegkeeten

D‘Diskussioune ronderëm de Wielerwëlle si sënnlos a lenken of vun den eigentleche Problemer

Sou zimlech jiddereen huet mëttlerweil säi Pefferkär bäigeluecht, wann et

Wëll Déieren an Nout kënnen nees empfaange ginn
Neiegkeeten

Wëll Déieren an Nout kënnen nees empfaange ginn

Ab dem 1. Mee 2020 ass den Accueil vun Déieren

D‘Fréijoer: „Ze Waarm an ze Dréchen!“
Neiegkeeten

D‘Fréijoer: „Ze Waarm an ze Dréchen!“

Fir d‘Verwaltung vun den technesche Servicer vun der Landwirtschaft (ASTA),

Weltdag vun der Hand-Hygiène – Eng Flicht fir jiddereen

Weltdag vun der Hand-Hygiène – Eng Flicht fir jiddereen

Zanter 2009 schléisst sech de Gesondheetsministère der Weltgesondheetsorganisatioun (WHO) un, fir de Weltdag vun der Hand-Hygiène (5. Mee) ze zelebréieren. Eng appropriéiert Hand-Hygiène konstituéiert eng vun den einfachste Methode fir d‘Infektiounen ze reduzéieren, och abegraff déi, wou vum Virus SARS-Cov2, den Ausléiser vum Covid19, ausginn.

En essentielle Barrière-Gest fir géint d‘Iwwerdroung vum Coronavirus ze kämpfen

De Coronavirus iwwerdréit vun enger Persoun op déi aner iwwert Otem-Drëpsen, déi vun der Nues oder dem Mond, notamment wann ee néitst oder houscht, ausgestouss ginn. Dës Drëpse kënnen eng Zäit laang op Objeten oder Uewerfläche persistéieren. Laut de leschte Studien, kann de Coronavirus bis zu 3 Stonnen an der Luucht, op Koffer bis zu 4 Stonnen, op Kartong bis zu 24 Stonnen an op Plastik oder raschtfräiem Stol bis zu 72 Stonnen aktiv bleiwen.

D‘Persounen infizéieren sech mam Coronavirus wann si déi kontaminéiert Uewerflächen oder Objeten upaken an da mat hiren Hänn, de Mond, d‘Nues oder d‘Ae beréieren (eng Persoun beréiert datt eegent Gesiicht am Schnëtt 23 mol an der Stonn). An der Konsequenz ass wichteg sech d‘Hänn mat Waasser a Seef ze wäschen, fir eng Transmissioun vum Coronavirus, wéi och all aner Infektioun (Schnapp, Gripp, Infektioune vun den Otemweeër) ze verhënneren.

An der Absence vu Waasser a Seef, kënnen d‘Hänn och mat enger hydroalkoholescher Léisung desinfizéiert ginn.

Den aktuelle Kontext vun der Coronavirus-Pandemie huet eis d‘Importenz an den Interessi vun der Hand-Hygiène en Erënnerung geruff- D‘Hänn wäschen, een u sech einfachen Hygiène-Gest, konstituéiert eng essentiell Barrière géint d‘Pandemie. Fir iech an déi aner virum Coronavirus ze schützen, wäscht iech reegelméisseg d‘Hänn“ insistéiert d‘Gesondheetsministesch, Paulette Lenert.

Informatiounscampagne: Wéini a wéi sech richteg d‘Hänn wäschen?

Zur Occasioun vum Weltdag vun der Hand-Hygiène, relancéiert de Gesondheetsministère seng Sensibiliséierungscampagne an erkläert wéini a wéi sech d‘Hänn wäschen.

Wéi wäscht ee sech gutt d‘Hänn mat Waasser a Seef?

  • Ditt är Bijouen aus a maacht är Hänn gutt naass;
  • benotzt genuch Seef fir déi ganz Fläch vun ären Hänn ze bedecken;
  • reift är Hänn wärend 20 bis 30 Sekonne fir Schaum ze maachen;
  • reift d‘Handteller an engem rotative Mouvement, ouni den Handréck, d‘Fangerneel, d‘Fangerkoppen an d‘Dommen ze vergiessen;
  • spullt är Hänn gutt ënnert fléissendem Waasser of an dréchent är Hänn mat enger Zerwéit fir den eemolege Gebrauch;
  • dréit de Krunn mat der Zerwéit zou.

Wéini sech d‘Hänn wäschen?

  • Wann se knaschteg sinn;
  • virun all Iessen;
  • nodeems een op d‘Toilette war;
  • nodeems dir iech geschnäizt, gehouscht an oder genéitst hutt;
  • nodeems dir är Mask ugepaakt hutt.

Opgepasst: Händchen droen ersetzt net dat reegelméissegt a richtegt Hänn wäsche mat Waasser a Seef

Sech reegelméisseg d‘Hänn wäsche schützt iech besser géint de Coronavirus wéi Händchen droen, ausser a spezifesche Situatiounen, wei bei medezinesche Soinen. De Virus kann sech op den Händche befannen an et besteet e Kontaminatiounsrisk wann sech eng Persoun mat der Händchen an d‘Gesiicht faasst, oder, wann een se ausdeet, d‘Persoun déi baussenzegen Deel vun der Händche mat der anerer Hand ouni Händche beréiert. Gebrauchten Händche mussen, aus Respekt virun der Ëmwelt an zur Sécherheet vun der Bevëlkerung, no hirem Gebrauch an eng Dreckskëscht gehäit ginn.

Matgedeelt vum Gesondheetsministère, aus dem franséischen Iwwersat vum Laure Schlesser

Illustratioun: © Dhaya Eddine Bentaleb / unsplash

Ähnlech Sujeten Coronavirus, Covid19, Gesondheetsministère, Weltdag vun der Hand-Hygiène
Nächsten Artikel Virrechten Artikel