Sichen

Dir kéint och nach folgende gefalen

De „Relais fir d‘Liewen“: de Laf géint de Kriibs
free hookup in lagos https://moien.lu/e4-dating-clones/

https://moien.lu/alex-and-clay-dating-in-real-life/

Fir déi 14. Ausgab vum „Relais fir d‘Liewen“ haten sech

https://moien.lu/matchmaking-gt-sport/
free hookup in lagos https://moien.lu/e4-dating-clones/

De Lëtzebuerger Automobil-Sportler 2018 steet fest!

Gëschter Owend war am Casino 2000 zu Mondorf-les-Bains nees eng

De Landesverband vereenegt sech mam OGBL
free hookup in lagos https://moien.lu/e4-dating-clones/

De Landesverband vereenegt sech mam OGBL

De Verband vun den Eisebunner, Aarbechter aus dem Transport, Fonctionnaire

WHO: D’Joer 2020 zu Éieren vun Infirmieren an Hiewanen

WHO: D’Joer 2020 zu Éieren vun Infirmieren an Hiewanen

D’Weltgesondheetsorganisatioun (WHO) stellt am neie Joer déi Persounen an de Virdergrond, op déi mir fir eis Gesondheet net verzichte kënnen: 2020 ass d’Opmierksamkeet op d’Infirmièren/Infirmieren an Hiewane geriicht. Grond fir dës besonnesch Decisioun ass den 200. Gebuertsdag vum Florence Nightingale, eng zu London gebueren Infirmière, déi als Begrënnerin vun der moderner an eegestänneger Fleeg gëllt.

De WHO-Generaldirekter Tedros Adhanom Ghebreyesus huet betount, datt an alle Länner d’Infirmièren/Infirmieren an Hiewanen d’Grondgerüst vun eisem Gesondheetssystem bilden. Mat liewensrettende Moossnamen, praktesche Rotschléi a vill Passioun gi si sech all Dag dem Liewen an Iwwerliewe vu Kanner, Erwuessenen an eelere Mënschen hin.

Fir déi 2 genannte Fleegeberuffer besonnesch ze stäerke gesäit d’WHO fir d’Memberstaaten eng global Strategie fir, duerch déi dëse Beräich weider entwéckelt a geschat gëtt, fir esou eng accessibel, akzeptabel, qualitativ héichwäerteg Basis fir all Infirmieren/Infirmièren an Hiewane bidden ze kënnen. Heibäi muss virun allem eng anstänneg Educatioun a kompetent Ausbildung, eng effektiv Strategie a Politik, sou wéi déi noutwenneg Minimiséierung vun de Kapassitéiten an dem Potential garantéiert ginn.

Infirmier

Déi wichtegst Fakten

  • Infirmieren/Infirmièren an Hiewanen erméigleche Gesondheetsservicer op allen Niveauen no un der Gesellschaft;
  • Weltwäit gi weider 18 Millioune passionéiert Persounen am Fleege- a Gesondheetsberäich gebraucht, fir d’Zil „Gesondheet fir jiddwereen“ bis 2030 erfëllen ze kënnen;
  • D’Halschent vun dësen 18 Millioune gebrauchten Aarbechter ginn als Infirmier/Infirmière an Hiewan gebraucht;
  • 70% vun allen Aarbechtskräften am Sozial- a Gesondheetswiesen si Fraen;
  • Eng sécher an adequat Gebuertshëllef, sou wéi d’Begleedung virun, wärend an no der Schwangerschaft kéinten iwwer 80% vun den Doutgebuerten, Stierffäll am Kannerbett an Neigebuerenestierflechkeet verhënneren;
  • Virun allem a Südostasien, sou wéi och an Afrika gi momentan déi meescht Fleegekräfte gebraucht.

De Beobachtunge vun der WHO no hunn 2013 weltwäit 6,2 Milliounen Infirmieren/Infirmièren an Hiewanen aktiv an hirem Beruff geschafft. Bis 2030 gi ganzer 8,5 Millioune Persounen an dësem Secteur gebraucht. Rechent een hei nach d’Dokteren an anert Personal am Gesondheets- a Fleegeberäich dobäi, muss ee Wuesstem vun 32% erzilt ginn.

Wéi et zu Lëtzebuerg ausgesäit

Am Dezember 2018 huet de Gesondheetsministère eng grouss Etüd organiséiert, bei där d’Besoine vun de Gesondheets- a Fleegeberuffer analyséiert sollte ginn. Ganzer 647 Professioneller an 129 Organismen hunn aktiv deelgeholl an esou Réckschlëss op d’Qualitéit an d’Quantitéit zu Lëtzebuerg ginn. Bei der grousser „Bestandsopnam“ konnte 17.595 Persoune gezielt ginn, déi an de Gesondheetsberuffer schaffen, wouvunner der 15.062 an der Fleeg schaffen.

Infirmier

Opdeelung vun den eenzele Gesonheets- a Fleegeberuffer. MD steet fir d’Zänndokteren, MG fir d’Generalisten an MS fir Spezialisten (Etats des lieux des professions médicales et des professions de santé au Luxembourg, 2019)

Geheie mir ee Bléck op d’Infirmieren/Infirmièren an Hiewanen, esou gesinn d’Zuele folgendermoossen aus. Ganzer 6.214 (41,26%) vun de Persounen aus dem Fleegeberäich sinn Infirmieren/Infirmièren. Bei den Hiewane komme mir op 234 (1,55%) Persounen. Dobäi geet een an der Etüd dovunner aus, datt am Zäitraum tëscht 2019 an 2034 ganzer 2.621 Infirmieren/Infirmièren an 81 Hiewanen zu Lëtzebuerg duerch d’Pensioun oder aner Grënn mat Schaffen ophalen.

Infirmier

Opdeelung vun de Fleegeberuffer 2019 (Etats des lieux des professions médicales et des professions de santé au Luxembourg, 2019)

Generell huet de Groussherzogtum ee gudde Gesondheetszoustand virzeweisen. D’Qualitéit, vun där mir all momentan profitéieren, kann allerdéngs just duerch d’Hëllef vun auslänneschem Personal oprecht erhale ginn. An de Spideeler ginn am Ganzen 62,95% un Personal gezielt, déi keng Lëtzebuerger Nationalitéit hunn. Dobäi ass et den ChdN, deen déi gréisst Proportioun u Lëtzebuerger Professionellen opweise kann (Etats des lieux des professions médicales et des professions de santé au Luxembourg, 2019).

Kuckt een d’Opdeelung vun den Nationalitéiten am ganze Gesondheets- a Fleegesecteur, esou ziele mir virun allem 42% u Lëtzebuerger, 24% u Fransousen, 11% u Belsch an 18% un Däitschen.

Infirmier

Opdeelung vun den Nationalitéiten bei de Fleegeberuffer (Etats des lieux des professions médicales et des professions de santé au Luxembourg, 2019)

Och wann et aktuell fir de Groussherzogtum net schlecht ausgesäit, esou kann et an den nächsten 10 Joer zu enger Penurie kommen, wouduerch och d’Qualitéit erofgeet. Fir dem Zil vun der Weltgesondheetsorganisatioun an den eegene Besoine gerecht ze ginn, mussen déi natierlech Departe mat Zäiten ausgeglach ginn. Och de Wuesstem an der Bevëlkerung muss mat Bléck op d’Zukunft respektéiert an agerechent ginn.

Ähnlech Sujeten CHdN, Etüd, Fleegekräft, Florence Nightingale, Gesondheet, Gesondheetsministère, Gesondheetssystem, Hiewan, Infirmier, Infirmière, Personal, Qualitéit, Weltgesondheetsorganisatioun, WHO
Nächsten Artikel Virrechten Artikel