Sichen

Dir kéint och nach folgende gefalen

Schëtzeg ënnerwee: Mat 107 km/h duerch Duerf?
Neiegkeeten

Schëtzeg ënnerwee: Mat 107 km/h duerch Duerf?

Verschiddene Leit schéngt et op der Strooss wuel net schnell

Den donkele Lëtzebéier vun der Béierhaascht: „Esou geet Béier!“
Neiegkeeten

Den donkele Lëtzebéier vun der Béierhaascht: „Esou geet Béier!“

Wann de Braumeeschter Guy Majerus zu Käerjeng senger Konscht fräie

En Dag an der Natur: Bei dësem Wieder grad dat richtegt
Neiegkeeten

En Dag an der Natur: Bei dësem Wieder grad dat richtegt

Et war een vun dëse Weekender virun der grousser Vakanz,

D‘Wieder suergt weider fir Kappzerbrieches

D‘Wieder suergt weider fir Kappzerbrieches

An der Nuecht vun e Samschdeg op e Sonndeg, huet sech d‘Cellule de Crise „Intempéries“ ënnert der Presidence vum Inneminister Dan Kersch (LSAP) zu enger Drénglechkeetssëtzung afonnt, fir der Evolutioun vun der Situatioun virzegräifen, an d‘Hëllef fir déi Geschiedegt ze koordinéieren.

Et war kuert no 20.30 Auer wou d‘Administratioun vun de Rettungsdéngschter den Gestiounszenter vun den Operatiounen (CGO) aktivéiert huet, vir déi sëllechen Interventiounen ze koordinéieren, déi vun den Onwieder ausgeléist goufen. Tëscht 19 an 22 Auer waren eng 500 Uriff an der Zentral vun de Rettungsdéngschter agaangen.

Déi hunn iwwer 200 Interventiounen uechtert d‘ganzt Land ausgeléist. Besonnesch staark betraff waren zwee Secteuren: den Oste vum Land, a grad wéi déi lescht Woch, sinn op neits de Mëllerdall, Haler a Waldbëlleg vun der Waassermassen iwwerrompelt ginn. Iwwer 100 Mann aus néng Zentre sinn an den Asaz geschéckt ginn.

 

An enger zweeter Phas huet sech missen ëm den „Zentrum“ gekëmmert ginn. De gréissten Deel vun den Asätz huet sech op d‘Gemengen: Préizerdaul, Useldeng, Biissen, Réiden an d‘Stad Lëtzebuerg konzentréiert. Wéi bis ewell konnt festgehale ginn, ass kengem Mënsch e Leed geschitt. D‘Alerte „Orange“ déi vu MeteoLux ausgeruff gi war, konnt géint 22 Auer opgehuewe ginn.

D‘Autoritéite ruffen d‘Bevëlkerung déi gespaarte Stroossen net ze benotzen an déi betraffe Secteuren ze evitéieren. D‘Automobiliste ginn zudeem opgeruff, sech un d‘Uweisunge vun den Autoritéiten ze halen, an hir Fuerweis un d‘Wiederkonditiounen unzepassen. D‘Arméi an e Peloton vun de Rettungsdéngschter gëtt agesat, fir beim Raumen a Botzen ze hëllefen.

Foto a Video: © Vivian Buclier (Esou huet et gëschter Owend zu Iewerleng ausgesinn)

Ähnlech Sujeten Dan Kersch, MeteoLux, Onwieder, Rettungsdéngschter
Nächsten Artikel Virrechten Artikel