Search

You may also like

Saudi-Arabien Deal: „wichtegste Waffenhandel an der amerikanescher Geschicht“
Neiegkeeten

Saudi-Arabien Deal: „wichtegste Waffenhandel an der amerikanescher Geschicht“

Et war ee kinneklechen Empfang deen dem Donald Trump op

En Hommage un d’Anne-Marie von Arx-Vernon
Neiegkeeten

En Hommage un d’Anne-Marie von Arx-Vernon

D’Associatioun Stand Speak Rise Up!, eng Initiative sou S.A.R. der

US-President dreet Truppen aus Westpfalz ofzezéien
Neiegkeeten

US-President dreet Truppen aus Westpfalz ofzezéien

Och wann et richteg ass, datt sech den US-President um

#Wonschwuert: Schéckt Är Liblingswierder eran!

#Wonschwuert: Schéckt Är Liblingswierder eran!

Wéi eent ass Äert léifste Wuert op Lëtzebuergesch? Twittert oder mailt déi Wierder, deenen Dir méi Opmierksamkeet wënscht.

Appersmann, Uz, Wibbeldewapp – Buuschtebënner, Gladder, Zodi: Kennt Dir dat, wa Wierder Iech frou maachen, déi Der scho laang net méi héieren hutt? Inspiréiert vun esou Aktiounen, déi vill Succès an de soziale Medien hunn, start den Zenter fir dʼLëtzebuerger Sprooch dʼAktioun #Wonschwuert.

Afen an apsen, héissen an hemsen, scharjeekelen a schillepsen, verdillegen a verkasematuckelen grad ewéi gedam, huerteg, kleesper a ronscheleg an och nach eenzock, kees, ounst a racksdeg:

Wënscht Dir Iech, datt Är Liblingswierder nees méi Opmierksamkeet kréien? Da schéckt eis se – ganz onofhängeg vun der Wuertaart – op lod@lod.lu oder taggt se op Twitter mat #Wonschwuert.

Vun absënns bis zanzen, vu jauwen bis Päerderchersspill, vu Spitzkniwweli bis verjuppen: Am Zenter sammele mir all Är Proposen, iwwerpréiwe se a publizéiere se an enger Lëscht.

Mir freeën eis op Ären Input! #Wonschwuert

Méi dozou fannt Dir an den News vum Zenter fir d’Lëtzebuerger Sprooch (ZLS)

Matgedeelt vum ZLS – Ekipp LOD

Related topics #Wonschwuert, Aktioun, Lëtzebuerger Sprooch, Lëtzebuergesch, LOD, Zenter fir d'Lëtzebuerger Sprooch, ZLS
Next post Previous post