Sichen

Dir kéint och nach folgende gefalen

Et war eng onroueg Nuecht, mee d’Situatioun sollt sech berouegen
Kultur Neiegkeeten

kerri dating mason

Wéinst de staarke Néierschléi vun dëser Nuecht, virun allem am

https://moien.lu/just-potchefstroom-dating/
TDF: Éischt Victoire fir Démare, läscht Etapp fir Sagan
Kultur Neiegkeeten

TDF: Éischt Victoire fir Démare, läscht Etapp fir Sagan

Keen Tour de France ouni Skandal. Dem Fransous Arnaud Démare

Altersaarmut an Däitschland
Kultur Neiegkeeten

Altersaarmut an Däitschland

Exportweltmeeschter a Motor vun der Europäescher Unioun awer net Amstand

What the Fakt – Déi lescht Folleg vu „Wetten, dass…?“

What the Fakt – Déi lescht Folleg vu „Wetten, dass…?“

Mat 35. Staffele war déi däitsch Fernsehshow „Wetten, dass…?“ eng vun den erfollegräichste Sendungen a ganz Europa. Um 13. Dezember 2014 sollt, mat der 215. Folleg eng Ära op een Enn goen.

Um 14. Februar 1981 huet de Fernsehsender ZDF déi éischt Ausgab vun dësem Format gewisen. Deemools huet säin Erfanner, de Frank Elstner, nach d’Show moderéiert. Wärend 39 Sendungen ass hien „Wetten, dass…?“ trei bliwwen. Elo war et dann um Thomas Gottschalk, den haut nach d’Gesicht vun dësem Format ass, fir d’Rudder an d’Hand ze huelen.

D’Konzept war einfach a kloer: Eng Persoun gëtt un, eppes Besonnesches oder Skurrilles ze kënnen. D’Show hunn ëmmer nees op een neits national an international Berühmtheete besicht, déi dann dofir oder dogéint wette konnten. An der Ufankszäit vun der Sendung huet de Wettpate, wann en da falsch louch, eng Strofaufgab erfëllen missen. An de Joren duerno ass dëst Konzept dann zum Sammele vu Spenden higaangen, bis schlussendlech erëm kleng Aufgaben agefouert goufen.

Zu den Highlights vu „Wetten, dass…’“ huet den Optrëtt vum Michael Jackson 1995 gehéiert, woubäi hien op enger Hebebühn performt huet. Mee och Gäscht, wéi de Michail Gorbatschow, de Gerhard Schröder, den Tom Hanks, den Udo Jürgens, den Elton John, d’Cher oder d’Tina Turner duerfte scho Platz op der grousser Promicouch huelen.

Iwwer drësseg Joer Showgeschicht bréngen nieft der grousser Prominenz awer och immens opreegend, kuriéis awer och bedréckend Optrëtter mat sech. Jo, hei war et da méiglech d’Faarf vu Stëfter un hirem Goût ze erkennen, wärend dem Autofueren d’Pneuen ze wiesselen (ass vläicht am Alldag net esou empfeelenswäert) oder zu 84 Persounen op 9 Motorrieder als Pyramid 100 Meter wäit ze fueren.

Een trauregt Enn hat dem Gottschalk seng Show mam Accident vum Samuel Koch. Bei senger Wett, fir iwwert fuerend Autoen ze sprangen, gëtt hie bei sengem leschte Sprong esou staark blesséiert, datt de Sportler säit hier queeschschnëttsgeläämt ass. De Schock huet net nëmmen de Publikum, mee och de Moderator selwer schwéier getraff, sou datt hien 2011 net méi fir dës Sendung zur Verfügung stoe wollt.

Fir dräi Joer huet de Markus Lanz dunn d’Show geleet, an awer war et net méi dat selwecht ouni de Gottschalk. Et muss ee wëssen, wéini et eriwwer ass, a sou war dunn den 13. Dezember 2014 déi allerlescht Folleg vu „Wetten, dass…?“ um Fernseh.

Foto: © Jan Woltas/dpa/AFP

Quellen:

Ähnlech Sujeten Accident, dass...?, Frank Elstner, Samuel Koch, Thomas Gottschalk, Wetten, What the Fakt
Nächsten Artikel Virrechten Artikel