Sichen

Dir kéint och nach folgende gefalen

Lëtzebuerger Ausseminister fuerdert méi Solidaritéit an der EU
Kultur Neiegkeeten

Lëtzebuerger Ausseminister fuerdert méi Solidaritéit an der EU

An der Diskussioun ëm d‘Opnam vu mannerjärege Flüchtlingen aus Griicheland,

„We are Equal“: D‘Stereotyppen iwwerwannen
Kultur Neiegkeeten

„We are Equal“: D‘Stereotyppen iwwerwannen

Et gëtt Mesuren déi Noutwenneg sinn an engem Awer ze

D‘Garer Kiermes ass un
Kultur Neiegkeeten

D‘Garer Kiermes ass un

Um Mëttwoch huet de Schäfferot vun der Stad Lëtzebuerg zesumme

What the Fakt – Viru 27 Joer stierft de Freddie Mercury un AIDS

What the Fakt – Viru 27 Joer stierft de Freddie Mercury un AIDS

Mëtt vun den 80er Joer erkrankt de Leadsänger vu Queen um AIDS-Virus, hält et awer ganz laang virun der Ëffentlechkeet geheim. Um 24. November 1991 erleit de Mercury senger schwéierer Erkrankung a stierft zu London un enger Longenentzündung.

Mat der legendärer Band Queen a Lidder wéi „We Will Rock You“, „Bohemian Rhapsody“ oder „Don’t Stop Me Now“ feiert de Leadsänger mat indesche Wuerzelen een enorme musikaleschen Erfolleg. Schonn deemools hu si Welthits geschriwwen an hunn d’Pop-Kultur an de 70er an 80er Joer nohalteg matbestëmmt.

De Megastar kennt de 5. September 1946 mam Numm Farrokh Bulsara zu Sansibar op d’Welt. D’Famill plënnert 1964 an England, wou de jonke Farrokh Konscht studéiert. Et war ëmmer säin Dram Museker ze ginn a sou huet hien sech de verschiddenste Bands ugeschloss. Ufank 1970 gëtt schliisslech Queen gegrënnt an de Sänger nennt sech ab dem Zäitpunkt Freddie Mercury.

Op der Bühn huet hien sech ëmmer betount extrovertéiert ervir gehuewen, am private Beräich war de Museker awer éischter zeréckhalend, woubäi hien awer ni ee Geheimnis aus senger Bi-Sexualitéit gemaach huet. Esou hält hien och seng AIDS-Erkrankung virun de Medien a Fans geheim.

Um 23. November 1991, wou een et vum Ausgesinn hir scho bal net méi ofstreide konnt, huet de Freddie Mercury bei enger Pressekonferenz endlech zouginn, datt d’Spekulatiounen ëm seng Krankheet wouer sinn. Hie wousst wuel, datt e gläich stierwe wäert. Datt dëst awer schonn den Dag drop de Fall sollt sinn hätt keen erwaart. D’Musekszeen weltwäit ass vollkomme getouft an iwweraus traureg iwwert säin Dout. Viru 27 Joer huet eng Legend eis Welt verlooss.

Wat ass AIDS?

Heibäi handelt et sech ëm eng Spéitfolleg vun der Infektioun mam HI-Virus, den de Mënsch enorm schwächt an d’Ofwierfäegkeet vum Kierper verhënnert. Onbehandelt duerchleeft des onheelbar Krankheet dräi Stadien, ier schlussendlech AIDS ausbrécht. Am leschte Stadium ass d’Immunsystem esou staark beanträchtegt, datt scho kleng Infektiounen oder Erkrankungen zum Dout féiere kennen.

Nom Ausbroch vun AIDS ass huet de Betraffenen nach eng maximal Liewenserwaardung vun 3 Joer. 1981 ass et offiziell als Krankheet klassifizéiert ginn an huet fir déi Infizéiert d’Doudesuerteel bedeit.

Onbedéngt ukucken soll ee sech an dësem Kontext dann de Film „Bohemian Rhapsody“, den d’Geschicht vu Queen op eng beandrockend an ergräifend Aart a Weis erzielt.

Quellen:

Foto: ©  BY-SA 3.0

Ähnlech Sujeten AIDS, Bohemian Rhapsody, Dout, Freddie Mercury, Queen, What the Fakt
Nächsten Artikel Virrechten Artikel