Sichen

Dir kéint och nach folgende gefalen

D’Policegewerkschaft net vun der Reform iwwerzeegt
Kultur Neiegkeeten

how to cope with your best friend dating your crush

D’Gesetz vun der Policereform, dat bis ewell op all politeschem

https://moien.lu/miss-ko-na-yung-dating-tayo-in-english/
Kultur Neiegkeeten

What the Fakt – Weltdag vun der Handhygiène: Et läit an Ären Hänn!

Der Verbreedung vu Krankheetserreeger soll de Kampf ugesot ginn. Dofir

Editorial: Den „Donneschdeg“ ass am Alter vu 22 Joer verstuerwen
Kultur Neiegkeeten

Editorial: Den „Donneschdeg“ ass am Alter vu 22 Joer verstuerwen

Si war dem „Fonkekätt“ – wéi de Feierkrop d‘Prinzessin vun

What the Fakt – Haut ass den Dag vun der Gittar

What the Fakt – Haut ass den Dag vun der Gittar

Frënn vum elektresche sechsäitegen Zupfinstrument a vun der verstäerkter Gittar, haut ass et un Iech fir musikalesch aktiv ze ginn! Et ass een Datum deen een sech onbedéngt mierke sollt, schonn eleng wéinst dem Jimi Hendrix sengem Gebuertsdag.

Wisou a vu wiem dëse kuriéise Feierdag an d’Liewe geruff gouf ass leider net bekannt. Sief et elo eng Marketingstrategie oder awer ee klenge Spaass, fest steet, datt et hautdesdaags enorm vill Deeg ginn, wou deelweis bizar Aktiounen oder Géigestänn gefeiert ginn. Zum Dag vun der Gittar passt awer op alle Fall den US-amerikanesche Spill-Deng-Gittar-Dag um 11. Februar.

Wien, wann net hien?

Eng Erklärung, firwat de Feierdag op de 27. November fält, gëtt et awer definitiv! 1942 gëtt ee vun den talentéiertsten an experimentéierfreedegste Museker zu Seattle gebuer. De James Marshall, den éischter als Jimi Hendrix bekannt ass huet d’Rockmusek vun de 60er nohalteg gepräägt. Den innovative Gittarist ass virun allem bekannt fir seng Live-Optrëtter, wou hien d’Instrument souguer mat den Zänn an der Zong gespillt huet, dat ënnert anerem um Woodstock an Isle of Wight Festival.

Mat 15 Joer kritt de jonke Bouf vu sengem Papp déi éischt Gittar geschenkt, wouropshin seng Karriär steil Bierg op geet Nodeems hien ufanks als Begleetmuseker beim Little Richard, The Supremes a villen anere war, huet hie mat der „Jimi Hendrix Experience“ seng eege Show organiséiert.

Leider fält hien net nëmme positiv op. Mat ëmmer schlëmmeren Alkohol- an Drogenexzesser goungen seng spilleresch Leeschtunge kontinuéierlech erof. Um 18. September 1970 ass hien, no iwwerméissegem Konsum vun Alkohol an Schloftabletten u sengem Erbrachenen erstéckt.

Ee villfältegt Instrument mat Geschicht

Anescht wéi Akustik-Gittaren ass d’E-Gittar kee Saiteklénger mee ee Stroumklénger. De Klang gëtt net vum Instrumentekierper iwwerdro, mee vun engem sougenannte „Pick-Up“ enregistréiert an duerch ee Verstäerker eraus ginn. Dofir ass de Kierper vun der Gittar och net huel, mee aus massivem Holz a kann esou all belibeg Form unhuelen.

D’Geschicht vun engem vun de beléiftsten Instrumenter geet bis op d’Steenzäit zeréck. Schonn deemools hunn d’Mënschen eng Aart Bou gebaut fir Musek ze maachen, den si spéider mat engem Resonanzkierper (Schildkrötepanzer, Bambus, Kokosnëss, oder ähnleches) equipéiert hunn. Esou wäit entwéckelt wéi mir d’Gittar haut kennen, gëtt et e eréischt säit dem 19. Joerhonnert.

Et ass een Instrument mat faszinéierender Geschicht, wat haut quasi bei kenger Band a kengem Concert méi ewech ze denken ass. Wat wier den Jazz, Blues, Rock, Metal an all déi aner Museksrichtunge schonn ouni dëst Instrument?

Gittar

Quellen:

Ähnlech Sujeten Band, Blues, Dag vun der Gittar, Gittar, Jimi Hendrix, Metal, Musék, Rock, What the Fakt, Woodstock
Nächsten Artikel Virrechten Artikel