Sichen

Dir kéint och nach folgende gefalen

LGBTI: Commemoratiounsdag zu Esch/Uelzecht
International Kultur Neiegkeeten Stories

LGBTI: Commemoratiounsdag zu Esch/Uelzecht

D’Gay Pride ass nieft alle Manifestatiounen, déi dem Gefill vu

surprise
Tierkei: Europa gëtt nees „barbaresch, faschistesch, gewaltbereet an intolerant“
International Kultur Neiegkeeten Stories

Tierkei: Europa gëtt nees „barbaresch, faschistesch, gewaltbereet an intolerant“

Um Méindeg huet d‘Tierkei déi däitsch Politiker beschëllegt, sech „dem

Am chinesesch-amerikaneschen Handelsaccord sicht Peking de Konsens
International Kultur Neiegkeeten Stories

Am chinesesch-amerikaneschen Handelsaccord sicht Peking de Konsens

China huet e Mëttwoch drop higewisen, datt ee beméit wier

What the Fakt – Weltdag vum Buch an den Auteursrechter 2019

What the Fakt – Weltdag vum Buch an den Auteursrechter 2019

Den haitegen Dag steet ganz am Zeeche vum Buch, dem Liesen, der Literatur an de Liesbegeeschterten. Um Weltdag vum Buch an den Auteursrechter huet och Lëtzebuerg sech eng afale gelooss, fir dës Editioun richteg ze zelebréieren. Sidd Dir beispillsweis schonn ären Exemplaire vum „Buch am Zuch“siche gaangen?

Um Kalenner vun de literaresche Feierdeeg fënnt een ënnert dem 23. Abrëll de weltwäiten Dag vum Buch an den Auteursrechter, dee säit 1995 vun der UNESCO gefeiert gëtt. Bei der deemooleger Konferenz zu Paräis war d’Intentioun ee weltwäiten Tribut un d’Bicher an hir Auteuren erweisen an esou jiddwerengem den Accès zur Literatur opzemaachen.

Dobäi geet den Datum eigentlech op déi katalanesch Traditioun vum Hëllege Georg zeréck, dee gäre Blummen a Bicher verschenkt huet. Dobäi kënnt awer och den Doudesdag vum engleschen Dramatiker a Lyriker William Shakespeare am Joer 1616, sou wéi dee vum spueneschen Nationaldichter an Erfanner vum Don Quijote, dem Miguel de Cervantes Saavedra.

Bicher an d’Aktioun vum Liese gehéiert zu de wichtegste Bestanddeeler vun eiser lieweger Schrëftkultur, sou wéi der Vermëttlung vu Wëssen. Dobäi ass natierlech och vun immenser Wichtegkeet, datt d’Rechter vun den Auteure geschützt an oprecht erhale ginn. Bei der 24. Editioun wëll d’UNESCO virun allem d’Protektioun vun indigene Sproochen ervirhiewen, woubäi hir Rechter weider unerkannt solle ginn. Dobäi besteet de staarke Wëllen, lokale Communautéite bäizestoen an se an der Erhalung vun hirem Wëssen an der Sprooch ze ënnerstëtzen.

Weltdag vum Buch an den Auteursrechter

Esou feiert Lëtzebuerg

Haut kritt all Notzer vum ëffentlechen Transport op de Garen een Exemplaire vum „Ee Buch am Zuch“ ausgedeelt, mat diverse Geschichten a Gedichter ronderëm d’Thema Wunnen, Bauen a sech Doheem fillen – an dat direkt op 3 Sproochen! Hei huet scho vir eng 21. Kéier d’CFL den CNL, d’Initiative Freed um Liesen a vill weider Partner sech besonnesch vill Méi gemaach hunn, fir een fantastescht Wierk zesummen ze stellen.

De Grand-Duché verbënnt den haitegen Aktiounsdag mat eise fënnef Sënner an offréiert Grouss a Kleng eng ganz Panoplie u literareschen Evenementer. Folgendes gëtt ugebueden:

  • Perceptioun a Fërderung vun de Sënner – Ausstellung
    Vun Dënschdes, den 23. Abrëll bis Samschdes, de 27. Abrëll* vun 08:00 bis 17:30 Auer, respektiv *vun 08:00 bis 13:00 Auer
    An der Bibliothéik vum Mierscher LTPES
  • „Plaisir de lire“ – Vernissage vun der Fotografie-Ausstellung
    Dënschdes, den 23. Abrëll um 18:00 Auer
    Bei der Gemeng zu Diddeleng
  • Literatur fir d’Ouer – Iwwert d’Geschicht vum Lauschterstéck zu Lëtzebuerg
    Dënschdeg, den 23 Abrëll um 19:30 Auer (fräien Entrée)
    Am CNL (2, rue Emmanuel Servaix, L-7565 Miersch
  • So Mol, Lobo! – Programm ronderëm d’Kannerbuch vum Christiane Kremer
    Dënschdes, den 23. Abrëll & Donneschdes, de 25. Abrëll vu 14:30 bis 15:30 Auer
    Programm fir déi ganz Famill mat Reservéierung (mail@kulturhuef.lu, Tel. 26 74 64-1)
    Kulturhuef Gréiwemaacher (54, route de Trèves, L-6793 Gréiwemaacher)
  • Entdeckt d’Buch mat alle Sënner – Parcous fir Schoulklassen ab dem Cycle 3.2.
    Mëttwochs, de 24. Abrëll vun 09:00 bis 12:00 Auer
    Start um Wochemaart um Knuedler
  • Schueberfouer – Konferenz mam Steve Kayser
    Mëttwochs, de 24. Abrëll vun 18:30 bis 20:00 Auer
    Am Athenée Lëtzebuerg – Salle audiovisuelle (24, boulevard Pierre Dupong)
  • Entdeckt d’Buch mat alle Sënner – Parcours fir Kanner vu 4 bis 12 Joer
    Samschdes, de 27. Abrëll vun 10:00 bis 13:00 Auer
    Start um Wochemaart um Knuedler
  • Touch Me – Blind Date with Books
    Samschdeg, de 27. Abrëll
    vu 15:00 bis 19:00 Auer: Grand Auditoire – Blind date with books
    20:00 Auer: Ciné Starlight – Kappkino – Wou ginn Elteren nuets hin?
    Centre Culturel opderschmelt (1a, rue du centenaire, L-3475 Diddeleng)

Weider Virliesungen, Evenementer an interessant Aktioune kënnt Dir am offizielle Programm fannen!

Ähnlech Sujeten Buch am Zuch, Mat alle Sënner liesen, UNESCO, Weltdag vum Buch an den Auteursrechter, What the Fakt, William Shakespeare
Nächsten Artikel Virrechten Artikel