Sichen

Dir kéint och nach folgende gefalen

An der Stad gëtt kee Bam vu Muttwëll aus dem Buedem gerappt
International Kultur Neiegkeeten Stories

An der Stad gëtt kee Bam vu Muttwëll aus dem Buedem gerappt

Bei entspaanter Atmosphär um Mëttwoch huet et mam Stater Schäfferot

D’Europäer maachen net genuch Kanner, seet de Franziskus
International Kultur Neiegkeeten Stories

D’Europäer maachen net genuch Kanner, seet de Franziskus

Um Samschdeg huet de Poopst Franziskus déi „dramatesch Sterilitéit“ vun

Science Summer Splash: Wa Wëssenschaft an Technik d‘Vakanz verschéineren
International Kultur Neiegkeeten Stories

Science Summer Splash: Wa Wëssenschaft an Technik d‘Vakanz verschéineren

Organiséiert vun der PINS Asbl, fënnt vum 12. bis de

What the Fakt – Weltdag vun de Komplimenter

What the Fakt – Weltdag vun de Komplimenter

Wat kéint méi schéi sinn, wéi geleeëntlech ee léift Wuert zougeschwat ze kréien? A genau dofir steet den haitege kuriéise Feierdag: a ville Länner gëtt haut de weltwäiten Dag vun de Komplimenter (engl.: World Compliment Day).

Ëm wat et geet, erkläert sech quasi vum selwen. Duerch ee léiwe Geste oder ee feint Kompliment kann ee senge Matmënschen de ganzen Dag verséissen. Dobäi feieren d’Amerikaner dësen Dag schonn um 24. Januar. D’Wuerzele leien awer an Europa, fir genau ze sinn an Holland.

Initiator vun dësem häerzlechen Dag ass den Hollänner Hans Poortvliet, dem säi grousse Wonsch et ëmmer war, den 1. Mäerz zum positiivsten a schéinsten Dag op der Welt ze maachen. Hie begrënnt d’Aktioun domadder, datt et, anescht wéi u Vältesdag, Mammen- a Pappendag, net ëm de kommerzielle Wäert geet, mee ëm een Dag, un dem wierklech jiddwereen deelhuele kann. Den Dag vum Kompliment went sech ganz einfach un dat mënschlecht Verlaange, Unerkennung ze kréien a als Persoun geschat ze ginn. D’Kraaft läit doranner, datt de wierkleche Wäert an eisen Emotioune läit.

Mat Wierder beréieren, amplaz mat Cadeauen

De weltwäiten Dag vum Kompliment ass schliisslech vun Holland aus an d’Belsch an a Skandinavien eriwwergeschwappt, bis et schliisslech zu engem Aktiounsdag a ganz Europa mutéiert ass. Esou fënnt een um offiziellen Internetsite vun dësem Aktiounsdag Ureegungen dozou, beispillsweis senger Famill, Frënn, Mataarbechter oder einfach frieme Leit op der Strooss ee léift Wuert mat op de Wee ze ginn.

A wa mir emol éierlech sinn ass et jo guer net esou schwéier fir esou een feine Geste ze maachen! Den Event vun dësem Aktiounsdag fënnt ee esouwuel op Facebook, wéi och op Twitter.

Ähnlech Sujeten Kompliment, léiwe Geste, Weltdag vun de Komplimenter, What the Fakt
Nächsten Artikel Virrechten Artikel