Zeréck op Lëtzebuerg, esoulaang et nach méiglech ass!

Nodeems de Lëtzebuerger Ausseministère gëschter virun onnéidegen Auslandsreesen ofgeroden huet, ass Owes de Message erakomm, datt all Lëtzebuerger, dee sech momentan am Ausland befënnt, zeréck an d’Heemescht komme sollt.

Et si mëttlerweil zuelräich Länner, déi strikt Moossnamen ergräifen, jo souguer d’Grenzen schonn zougemaach hunn. Soubal d’Disponibilitéit vun den Transportmëttel erofgesat gëtt, wäert och d’Réckrees op Lëtzebuerg schwiereg ginn. Aus dësem Grond soll een d’Situatioun notzen, soulaang een nach kann.